رد: خاص بطلاب الانتساب المهتمين بالمعدل فقط ...
تبون الصراحه ولاحد يزعل مني
بكل صراحه الدكاتره ما يقصرو معانا بس حنا طبعنا يالطلاب اننا دائما نشعر باننا مظلومين ليه ما ادري من وين اخذنا هالفكره . ويمكن هناك دكتور احدى المواد ظلم طالب او اخطاً في رصد الدرجه ولكن مو معقوله بانه طلم جميع الطلاب.
العيب فينا حنا مو في الجامعة او نظامها او الدكاتره وانا ارى بأن السبب يتلخص في الآتي:
اولاً/ طريقة المذاكرة
فكثير من الطلاب ما يذاكر الا قبل الاختبارات بشهر شهرين او اقل وهذا ليس كافي .حتى لو الماده سهله الواجب انك تذاكرها مذاكرة بتركيز ثم تراجع ما ذاكرته ثم يكون هناك مراجعه ثانيه ولكن بطريقة اخرى وهو تلخص الكتاب ( النقاط المهمه ) واخيراً يكون هناك مراجعه وذلك عن طريق قراءة عنوان الفصول فقط ثم تراجعها ذهنياً وفي يوم الاختبار تكون الماده جداً سهله اللهم عليك مذاكرة النقاط المهم. وتأكد بانه هذه المراجعه لاتأخذ معك اكثر من ساعه.
سألت احد الطلاب وكان ما شاء الله معدله جداً عالي فقلت له كيف تذاكره قال الماده الواحده ارجعها اكثر من 7 مرات .
ثانياً/ ترتيب المواد وموازنتها .
اي يجب عليك ان توازن المواد الصعبه والمواد السهله في السنة الواحدة اي يكون هناك موازنه بين صعوبتها وسهولتها
مثال/ فرضا هذه السنة كانت عندي ست مواد صعبة واربع مواد سهله فكان التقسيم كالتالي: الترم الاول 3 مواد صعبه و مادتين سهله
والترم الثاني مثلها بالضبط .
اما اذا كانت ولو فرضنا ان هذه السنة اكثر المواد صعبه والقليل منها سهله فالأفضل اخذ اكثر المواد الصعبه في الترم الأول لان هناك متسع من الوقت اكثر من الترم الثاني.
ثالثاُ/ لا يغرك ما يقال عن الماده ( بالنسبة لصعوبتها او سهولتها )
نجد في المنتدى بعض المواضيع بان الماده الفلانيه1 صعبه اما الماده الفلانيه2 سهله . فربما يكون المادة السهله او من سهولتها نهملها بحيث لا نعطيها حقها في المذاكره ونتفاجئ بالنتيجه في الاخيره.
او نسمع عن الماده الصعبه ونتعقد منها او نعطيها الجزء الاكبر من مذاكرتنا لها ونهمل المواد السهله وتكون النتيجه نفس الشيء مفاجئة .
فيه بعض الطلاب يضخم ماده ويقول انها صعبه والنتيجه تتفاجئ بسهولتها اكثر من اي مادة مثل ( بحوث العمليات )
واخيرا /
الاكثر الفقرات في الاختبارالصح والخطاء تكون الفقره صحيحه ولكنها ناقصه وغير كافيه فنعتقد بانها صحيحه
اكثر الفقرات نتعقد بانها صحيحة ولكن هناك يكون نفي او حرف او لكمه تغير المعنى عن حقيقته ونعتقد نحن بانها صحيحه وذلك بسبب اننا لمن نارجع الماده لكي ترسخ في ذهننا.
اتمنى التوفيق للجميع .
معلومه
لا تفكرون باني دافور انا مثلكم ولكن لحقنا في الاخير ولله الحمد . ولا حد يزعل منا هذه وجهة نظر
|