[سكووت]

اختبرنا من زمان وصراحة مرة مني فاكرة غير اشياء مشوشة خخ لكن بحاول اديك اللي فاكرتو و بالعامية على السريع عشان حقوم اذاكر عندي اختبارين بكرا ..

طبعا كلها زي طريقة اختبار الدوري التاني ..في امرأة باعت خاتم الماس لامراة اخرى فاللي اشترت الخاتم دا اكتشفت انو مو حجر كريم اللي على الخاتم فلمن طلبت من اللي باعتو لها ترجع لها قيمة الخاتم !قالت انو حتى هيا يوم اشترت الخاتم من محل الصايغ ماكنت تعرف انو مزيف ؟فهل ترجع المرأة لاخذ التعويض من صديقتها ولا لمحل الصايغ ..

نفس السؤال لكن ايش الحكم لو المرأة كانت تعرف انو خاتم بدون حجر كريم ولكن باعتو لصديقتها على انو حجر كريم ؟!!

و في سؤال برضو يقول انو في لوحة طاحت بسبب سرعة رياح قوية ,طبعا دي اللوحة يوم طاحت صراحة مني فاكرة طاحت على سيارة او طاحت على شخص ..المهم المتضرر طلب من الشركة اللي علقت اللوحة تعويض لكن الشركة قالت انو اصلا عندهم امر من البلدية بتركيب دي اللوحة لتحمل سرعة رياح معينة ..و موذنبهم ..ايش العمل هنا ؟؟

و في سؤال يقول ..شاحنة محملة باشياء فوق الحد المسموح به و اعتقد صار حادث و بعدين يوم حللو سبب الحادث دا طلع انو بسبب تعدي الحد المسموح بيه في الحمولة ؟!علما انو السائق مالو دخل و دي اوامر الشركة و دي بضايع للشركة هو مجرد سائق يعني ..مين يتحمل الضرر ؟؟

مرة اسفة الاسلوب مشي حالكـ لكن لاني مو فاكرة غير بالمعنى و على عجل ..بالتوفييييق ..