[سكووت]

تحية مني للاخ محمد ,اصرار وعزم رائع ..استمر ..لكن ماقلت لنا دحين بعد التخرج ,خرجت من قوقعة الفشل اللي تم الحكم عليك بها من قبل الوالد و الاقارب ؟؟!!اكيد النظرة دحين تغيرت مرة ..

بالنسبة ليا القانون حلمي ,وطموحي اني اكون شي معروف بمجال المحاماة ,مااحب اشوف انسان ينضحكـ عليه و ينسلب منو شي او يعاني بسبب تسلط وتفكير شخص اعلى منو,مااحب اشوف النساء مسلوبات الحقوق بسبب تسلط العادات والتقاليد ولازم كل فتاة تعرف اللي لها و اللي عليها وتطالب بحقها خصوصا في دا المجتمع اللي مازال الرجل في المقدمة وانا هنا اقصد بالمقدمة في اشياء يجب ان يكون للمرأة دور فعال فيها , قريبا بإذن الله..
دي الاشياء اللي عانيت منها حخرج منها بعون الله اولا و نجاحي وتخرجي من تخصص القانون كمحامية و اترك بصمة في طريقي سواء كملت ماستر او توجهت للعمل ..