صباح الخير يا بنات
أم عبود تسلمي ع النصائح بس يقولون مادة مبادئ السياسه دسمه وثقيله مره
يعني ( ثقافه ، مبادئ قانون ، مبادئ الاداره العامه ) كلها حفظ
و مبادئ السياسه حفظ و بنفس الوقت دسمه
والله احترت بين مبادئ السياسه و الاقتصاد الجزئي
لاني ناويه انزل المحاسبه
ابي انزل المواد الثقيله و اخلص منها .. خاصه انهم يقولون الترم سهل بالنسبه لغيره
و بصراحه كثير قالوا الاقتصاد الجزئي سهل
أتصور مادتين فهم و وثلاث مواحد حفظ افضل من اربع مواد حفظ وماده وحده فهم
و يا بائعة الورد اذا عندك مشكله في هالمواد ليه ماتدورين لك مدرسه خاصه ..؟
لانه بعدين او الحين لازم بتدرسين المحاسبه تاخذيها الحين و تخلصي يكون افضل
انا عني وحده اذا شفتها صعبه مره بدور لي مدرسه خاصه تفهمني كل شي مطلوب من الدوره التأهيليه
بس يابنات انا عندي سؤال نزلته في منتدى ثاني بس مالقيت جواب ياليت تفيدوني
وسؤالي هو كـ التالي ..
هل قلة المواد تأثر عالمعدل لو بس الدرجه النهائيه ..؟
يعني انا بصراحه ناويه انزل اربع مواد و بكذا يكون عدد الساعات قليله مره ..
هل قلة عدد الساعات و بعلامات ممتازه ترفع المعدل أو شلون ..؟
ياليت اللي عندها جواب ترد على سؤالي
سمرهم للأسف انا مستوى ثالث و ماراح اقدر افيدك إن شاء الله احد يرد على استفسارك و يامرحبا بك بالقروب