[Brainiac]

هلا بك أبو أنس...

أولاً : انا اسف جداً جداً جداً لان فيه شي طلبته مني ولا سويته.... بس والله نسيت.. والحين يوم شفت موضوعك تذكرت... اعذرني ياخوي .

بخصوص الكتيب ، اسمه "دليل الطالب التدريبي لاختبار القدرات العامة" ... صادر من مركز قياس وسعره تقريباً 25 ريال.... أنا مدري في المدينة وين ممكن تلقاه ... بس انا شريته من الرياض من مكتبه عادية .. يعني اي محل يبيع كتب أتوقع ممكن تلقى عنده الدليل هذا.

الدليل يجي معاه سي دي فيه اسئلة تجريبية... وعموماً هو مش طويل.. يعني ابو 50 تقريباً ... بس فيه شرح لفكرة الاسئلة .... انا استفدت منه بخصوص الاسئلة اللفظية ... اللي يحط لك كلمتين جنب بعض وتختار من الاختيارات كلمتين فيهم نفس الفكرة (بصراحة مدري وش المصطلح لهالنوع من الاسئلة... ولا ودي اتفلسف).

وبرضو سوالي زي التذكير... بطرق تكوين المعادلات للاسئلة الرياضية.... زي لما يقولك أن أبو أنس عمره 4 اضعاف ولده انس... و3 اضعاف عمر أم أنس (الله يخليهم لك ان شاء الله ).. ومجموع الاعمار يساوي عدد معين... أوجد عمر ابو انس؟

يعني هالاسئلة ما تقدر تحلها الا بتكوين المعادلة ... وبعدها يطلع عمر أبو أنس يساوي 19 :)

بس برضو مواضيع تجميع الاسئلة مفيده... لان فيه اسئلة تكرر احياناً.... وبرضو لك رساله على الخاص.

بالتوفيق ان شاء الله.