[صوت الفجر]

بسم الله الرحمن الرحيم ,, حياكم الله كلكم في هالموضوع البسيط الخفيف واللي عبارة عن تقديم لمباراة الهلال مع سباهان اصفهان الايراني ,, نبدأ على بركة الله ,, قبل نبدأ باعطيكم نبذة تاريخية عن مواجهات سباهان اصفهان امام الاندية السعودية ,, لعبوا مع الاندية السعودية (12 ) مباراة ,, فازوا في 8 تعادلوا في 2 وخسروا في 2 ,, رقم كبير جدا جدا جدا ويثبت ان هالنادي بالذات موب سهل ,, ولاتهون الاندية السعودية لمن تروح ايران تخورها بشكل غريب لأسباب نفسية بحتة طبعا مايخفى على الجميع ان الهلال هو سيد آسيا بـ 6 بطولات اسيوية صنفها البعض بطولات بروستد ومع هذا يبقى الهلال سيد اسيا والمبتعد عن منصات التتويج الاسيوية من 2002 وآخر بطولة اسيوية كانت امام هيونداي الكوري بنتيجة 2-1 والله يذكرك بالخير ياحسين العلي ,, الهلال ماحقق البطولة بنسختها الجديدة وكل مشاركاته كان يطلع اما من دور الـ 8 او من دور الـ 16 والموسم الماضي ماكتب الله ان الهلال يتأهل للنهائي بعد ماانهزم في نص النهائي بنتيجة 1-0 في كل المباراتين ,, الموسم الماضي كان افضل مواسم الهلال على الاطلاق بوجود قيريتس ونيفيز ,, لكن هالموسم راح قيريتس وراح نيفيز واختلف هلال هالموسم عن هلال الموسم الماضي ,, طبعا مايخفى عليكم ان الهلال تعاقد مع احمد علي اللاعب المصري القدير واللي للحين مادخل في اجواء اللعبة وشكل باله مشغول مع اوضاع مصر ,, نقول ان شاء الله بيعرف للايرانيين ,, الهلال موب ناقصة شي ,, لا فلوس ولا مدرب ولا لاعبين ,, كل العوامل متوفرة له ,, لكن الامور النفسية مسيطرة بشكل كبير على اللاعبين ,, بس نقول بإذن الله هالسنة لنا ,, وقادموووووون يا آسيا الهلال يحتل المركز الاول في الدوري السعودي بفارق 8 نقاط ومتأهل لـنصف نهائي كاس ولي العهد واموره عال العال بالرغم من انه يعاني من اصابات عديدة ,, بس فيه شي اسمه بديل جاهز والاحتياطي لايفرق عن الاساسي ,, مباريات مجموعة الهلال الاسيوية ,, المجموعة الاولى 1-2/مارس: الهلال السعودي - سباهان الايراني الجزيرة الاماراتي - الغرافة القطري 15-16/مارس: الغرافة القطري - الهلال السعودي سباهان الايراني - الجزيرة الاماراتي 5-6/ابريل: الهلال السعودي - الجزيرة الاماراتي سباهان الايراني - الغرافة القطري 19-20/ابريل: الجزيرة الاماراتي - الهلال السعودي الغرافة القطري - سباهان الايراني 3-4/مايو: سباهان الايراني - الهلال السعودي الغرافة القطري - الجزيرة الاماراتي 10-11/مايو: الهلال السعودي - الغرافة القطري الجزيرة الاماراتي - سباهان الايراني نجي نتكلم عن سباهان اصفهان طبعا نادي متأسس سنة 1967 وهو الغريم التقليدي لذوب آهن اصفهان وفايز بالدوري الايراني 3 مرات وبكاس ايران مرتين ويحتل المركز الثالث في الدوري الايراني بفارق 5 نقاط عن الاول ذوب آهن وعنده مباراة مؤجلة وهو بطل الدوري الايراني الموسم الماضي مثله مثل الهلال بطل الدوري السعودي ,, يعني المباراة بين ابطال الدوري السعودي والايراني ,, سباهان عنده 6 لاعبين لعبوا مع ايران في بطولة اسيا الاخيرة ,, والحارس وخط الدفاع كااامل في هالفريق هم نفسهم اللي في المنتخب واجانبهم 3 ,, 2 منهم في الهجوم ( يانوش + توريه ) و فابيو البرازيلي محور ,, اللي يتضح لنا ان هالفريق عنده 6 لاعبين في المنتخب وبطل الدوري الايراني السنة الماضية وراح يلعبون باسلوب الايرانيين المعتاد في السعودية دفاع ونقطة خير وبركة والـ 3 نقاط في ايران مضمونة لهم ,, سباهان شارك في اسيا 6 مرات ,, ما قدر انه يتجاوز دور المجموعات الا مرة وحده بس وكانت في 2007 والغريب العجيب ان هالسنة بالذات شهدت تأهلهم للنهائي لكن لحسن الحظ خسروا قدام اوراوا ريدز الياباني 3-1 ,, وسبحان الله هالفريق صار عالمي ,, لأن البطولة كانت في اليابان و اوراوا ريد كان المشارك باسم اليابان وفي نفس الوقت بطل اسيا واختاروا هذولي لأنهم الوصيف للفريق الياباني وفازوا في اول مباراة قدام فريق نيوزلندي وقابلوا اوراوا ريد وفازوا اوراوا بنفس النتيجة حقت النهائي 3-1 ,, سيناريو يقهر ,, الزبدة ان هالفريق موب سهل على الاطلاق وراح يتعب الهلال اللي اصلا تعبان من ناحية الحراسة والمرشدي في النهاية مانملك الا اننا نقول الله يكفينا الشر ,, وبالتوفيق للازرقاني في حصد اول 3 نقاط في مشواره في البطولة الاسيوية ,, منقول من منتديات الاقلاع