[*عبدالرحمن المالكي*]

بسم الله الرحمن الرحيم

اخواني حبيت افيدكم بالمواضيع اللي جتنا في اختبار الرايتنج ليفل 4 السيمستر اللي فات
اللي اذكره من المواضيع في الاختبار الاول طبعاً هيه حتكون 3مواضيع وتختار منها واحد
ولازم يجي واحد من المواضيع سهل والمواضيع هيه ١- اتكلم عن التكنولوجيا بس يا شباب
مو لازم انك تتكلم عن التكنولوجيا بشكل عام لا اتكلم مثلاً عن الجوال او الكمبيوتر
او اي حاجة من التكنولوجيا يعني انك تبدأ بمقدمة بسيطة عن التكنولوجيا وبعدين تقول
احد امثلة التنولوجيا كذه وتتكلم عنه (اتمنى ان الصورة وضحت)

الشي الثاني انه موضوعك لازم يحتوي على مقدمة وبعدين محتوى الموضوع وهذا يكون اغلب
كلامك فيه يعني المحتوى هوه اطول شي واخيراً الخاتمة وهكذا
كمان حاولوا تسخدموا كلمات غير شائعة او غير متداولة بين الناس لانه الدكتور حقنا كان يقول لنا انه مثلاً ثلاث او اربع كلمات متعوب عليها يعني غير شائعة تزودك درجة
وايظاً حاولوا انه بدايات الجمل ما تكون زي بعض يعني مو كل جملة تبدأها بنفس الكلمة لا
نوع وايظاً خلوا مسافات بين السطور عشان اذا كنتوا تبغوا تعدلوا او تضيفوا او تبدلوا كلمة بدال كلمة زي كذه

ومن المواضيع الاخرى اللي جتنا في الاختبار الاول انه اذا كان عندك فلوس كثير يعني
مليونير او ملياردير(الله يغنينا من فضله) اش راح تسوي فيها
اللي اتذكره هذي الموضوعين الثالث ماني متأكد منه يمكن يكون (حادثة صارت لك اتكلم عنها) يمكن يكون هذا

وبكذه ان شاء الله اكون افدتكم والله بصراحة نظراً لكثرة الاسئلة عن هذا الموضوع كتبت لكم
هذا الشي

والله يوفقكم ان شاء الله وييسر اموركم وان شاء الله تفرحوا بالدرجات وتطيحوا في ايدي مصححين متساعدين آمين يارب

ملاحظة اخيرة وفيها كل الاهمية ( حاولوا بقدر الامكان ان الموضوع مايكون فيه اخطاء ابداًعشان تحصلوا على الدرجات الكاملة)

وشكراً لكم. واي استفسار انا حاضر