[قلب مجروح]

كلّما اللّيل رد ذكرهـا لـه تجـدّد
علّةٍ فوق علّه من يـداوي العليـل
بين صدٍّ وردّ ناعس الطرف سَـدّد
نظرةٍ منه عجله من تصيبه قتيـل
بعد طيب الوعد مـن أودّه تمـرّد
ما رحم قلب خلّه شام عنه الرّحيل
ملّ منّي السّهد لو ينـام المسهّـد
طيّب النّوم شَلّه ظبي طرفه كحيـل
سامني بالزّهد وفي غرامي تزهّـد
منوتي ليت فعله مثل وجهه جميـل
له نصيب الأسد في فؤادي مؤكّـد
وناظري مستحلّه وما لحبّه بديـل
إن تقرّبـت صـدّ أوتبعّـدت هـدّد
حيّرنيه بدلّه ويـن بأمـري أميـل
مستحيل البعاد له دموعي بتشهـد
وانت يالعمر كلّه قربك المستحيـل

التالي

:. مآء السمآء .: