شوف يا باشا
انتا أول ما تشوف كلمة cumulative اعرف انو ما يبغى تكرار الكلاس لحالو
يبغى التكراري التجمعي أو التراكمي
يعني تحسب التكرار حق الكلاس المطلوب وتجمعو مع التكرارات اللي قبلو
وفي هذا السؤال الكلاس المطلوب هوا b
معناها تاخذ التكرار حق b وهوا 8 وتجمعو مع التكرارات اللي قبلو وعندنا مافي الا a قبلو وتكرارو 4
يعني 8+4 = 12 هذا هوا الـ cumulative frequency
نجي للخطوة اللي بعدها
هوا ما طلب مننا عدد التكرارات طلب الـpercent يعني النسبة حقتو
كم نسبتو من مجموع التكرارات الكلي
في هذي الحالة ناخذ التكرارات اللي عندنا وهي 12 ونقسمها على مجموع التكرارات الكلي وهو 28 ونضرب الناتج في 100 عشان نطلع النسبة المئوية
الناتج حيكون 42.85 وبالتقريب حيطلع 43 يعني الجواب فقرة a