[ضيدان]

اشكركم جميعا على مروركم الكريم

بس يا جماعة

انا مشكلتي مو في اضافة ساعات اضافية! كل اللي باقي لي 16 ساعة واتخرج ان شاء الله .. ومعدلي بغض النظر عن (طالب متوقع تخرجه) يسمح لي اسجل 18 ساعة... وانا الحين مسجل 13 ساعة. وطلبت اضافة مادة حرة 3 ساعات من كلية الاداب اضافوها اثنين من الزملاء عن طريق المعاملات الالكترونية لانها غير موجودة في الحذف والاضافة

ولما طلبتها انا رفضوا بحجة ( المادة غير متاحة )

ولا لي خلق ادخل بنقاشات معهم واسألهم كيف غير متاحة؟ اذا كان قصدهم غير متاحة بالحذف والاضافة! ما جاب جديد انا لو هي متاحة بالحذف والاضافة كان اضفتها ولا تعبت نفسي وتعبت موظف المعاملات الالكترونية بطلب اضافتها!

اما اذا كان قصدهم غير متاحة لقسمنا او كليتنا؟ كيف اضافوها لزملائي؟ نفس القسم؟ والتخصص والكلية؟

واذا يقصدون ان عدد الطلاب بالشعبة اكتمل.... العدد الفعلي المسجل بالمادة تقريبا 120 شخص .. والعدد الاقصى المسموح به لتسجيل المادة 9999 طالب؟

وش يقصدون بغير متاحة؟ ماني عارف ولا اقدر استوعب؟ الا ان الموظف اللي رد على المعاملة وكتب هالكلمتين ( غير متاحة ) كتبها من راسه وحسب مزاجه! وتعبت والله من المطامر ورى اي حق من حقوقي! ولا عاد لي خلق ارسل معاريض اترجى فيها على شان اخذ حق من حقوقي! خلاص زهقنا يا جامعتنا الموقرة والله ما عاد لنا خلق نسوي اي شئ! ولا عاد لنا خلق نطلبكم اي شئ! واقسم بالله لو لي معرفة بالجامعة كان تسهلت اموري ... لكن .. حسبي الله ونعم الوكيل على كل من قصر بعمله وخان الامانة الموكلة اليه المتمثلة بخدمة من عين وتم توظيفه لخدمتهم!

ابغى اضيف المادة؟ كيف؟ ابغى حل... ساعدوني..... ولكم الف شكر

ابغى رقم جوال شخص من الشئون التعليمية .... يا ليت اللي يعرف رقم واحد اسمه ابو طالب بالشئون التعليمية لكلية الاقتصاد والادارة ... يتفضل ويحط رقم جواله هنا .. لان الرقم الخاص به بموقع الجامعة ما فيه احد يرد عليه.. هذا اذا كان الرقم صحيح..يخص الشئون التعليمية .. ! وان الموقع الخاص بالارقام محدث .. مو مثل بعض صفحات كليتنا الموقرة اللي فيها بعض المعايدات لعيد الفطر عام 1429هـ!؟

اتمنى من كل شخص يملك اي معلومة ممكن تفيدني باضافة المادة انه ما يبخل علي وما له الا الدعاء والشكر