كيفكم يا اتاويين ..
وحشتوني ..
هارد لكم
وخيرها في غيرها
طبعا انا مادريت متى وقت المباراة وكان عندي اختبار اليوم في الصبح ..
الموهيم : كانت مقفلة معايا من الاسئلة وانا جالس احل ..
سأل الدكتور فجأة ..من يشجع الاتحاد ؟؟
كل الكلاس موجهين عيونهم عليا..قلت اناااا
قال هارد لك ..خيرها في غيرها ؟؟ << ضاع التركيز ونسيت اني في الاختبار ..
طبعا عرفت انها مباراة التعاون صارت وانا ما ادري ..
قلت مو مشكلة اسيا اهم ..
قال يعني انتو مشاركين في اكتر من دوري ؟؟
قلت ايوا ..<< الدكتور مو سعودي طبعا
قال واحد بس الهلال حياخدوا اسيا كمان ..
قمت اظارب في الاختبار ..واقول ..حدكم لربع الدوري وتطلعوا ترى مافي حكام هناك ..
قال الدكتور يعني الهلال فريق يستعمل الحكام ؟؟
الكلاس كلو قال ايوا ..
قلت دوك كمان معاهم الاعلام والاتحاد السعودي ..وكل حاجة لها دخل في الرياضة هههه
قال اهاااااا يعني فريق الحكومة ؟؟ << على طول فهم لهم
شويا دخل واحد قدامي يصايح ووالهلال ومدري ايش ..
التفت عالي ورايا قلت كم النتيجة ياولد << طبعا في الاختبار ؟؟
ورجعت اتخاصم مع اللي قدامي بخصوص الحكام هههههه
شويا شفت الكلاس كلو قاموا يصايحوا ويتناقشوا ..قلت اييييييه بس بس ارجع حل انت واياه
ورجع كل واحد يطلع حرتو في الورقة
عقلية هلالية يا اوختي ..
يعني شي طبيعي يدور اي غلطة في رابطتنا ..ما ابغى اروح افتش في الروابط التانية عشان اثبت صحة كلامي ..
ياليت يسيب التعصب اللي ترك اثر سلبي على سمعتو ..
لكن شكلو الناس ما تشوف الا الاتحاديين متعصبين ..زيي مسلا