[ميعاد]

المشاركة الأصلية كتبت بواسطة إيش اتخصص انا بثالث ثنوي ومررا مررا مشغلتني سالفة التخصص مو عارفه إيش اتخصص ونسبتني مراااااااا مراااااااااااااااااا قبيحه في ثاني . هذي السنه ان شاءالله ترتفع وحابه تخصص اكون اشتغل بمستشفى لاكن بالانجليزي مستوايا نازل مااعرف الا نص الحروف وهواا مطلوب جدا في تخصصات الصحه ارغب بتخصصات العلوم التطبيقيه او الصيدله او الكيماء الحيوي وهل هذه التخصصات فيها رياضيات ؟ وكل تخصص منهم على اي علم يعتمد ؟ وإيش اللي فيه تشريح ونشرح ماذاا ؟ فكرت التحق بدورات قبل الجامعه تفيدني ؟ وكم احتاج المده اتعلم انجليزي حتى التحق بأحدا لتخصصات ؟ شكرا جزيلا

اهلا يااعسل , لاتشغلكي ساالفة التخصصاات دحينا, لسى بدري , شدي حيلك في ثالث والقدرات والتحصيلي عشان تجيبي نسبه حلوه ان شاءالله تدخلك الجااامعه .. حتدخلي سنه تحضييريه تدرسي فيها كيمياء احصاء رياضيات فيزياء احياءمهارات اتصال حااسب , وانجلش 1و2 ومااعرف اذا في كمان مستويات غيرها .. كلها حتدرسوها ان انقلش بس الاتصال والحاسب عربي , والدكاتره حيشرحوا عربي تقريييبا ؟..

المهم في ذي السنه حتشدي حيلك فيها عشان تجيبي معدل وعلى نهاية الترم الثاني ينزلولكم التخصصات وانتي بترتبينها , وكل واحد على حسب معدله في ذي السنه يدخل التخصص اللي يبغااه يعني الثنوي خلاص انسيها بمجرد دخلتي الجامعه ..

في ذي السنه اتوقع حتعرفي اكثر عن كل تخصص .. واذا على الانقلش ابدا مو عاائق لسى حتتعلمي مرره مزبوط ان شاءالله في التحضيري انقلش..

الصيدله فيلها حسابات لانو انتي بتحسبي جرعة الدوا وكذا , بس حساباتها سهله تقريبا ..وفيلها تشريح بس احنا دحين مانشرح بس نتفرج في الدكتوره وهيا بتشرّح في الجثه , لانو اختبارنا الان صور ..

العلوم التطبيقيه , فيلها علاج طبيعي وتغذيه واشعه وتمريض الافضل تزوري قسمهم وبتلاقي فيله شروحات كاامله وحلوه عن كل تخصص ..

بس ما تعتمد على الرياضيات ,

والكيمياء الحيوي قسم من اقسام العلوم . تقدري برضوا تدخلي على القسم وتاخذي منهم معلومات ..

واحسن لو بتقدرين تاخذين دورات قبل لا تسجلين في الجامعه , ماادامها حتفيدك ..

بالتوفييق ياعسل ولا تشيلي هم دحين الا في دراستك وحاولي تجيبي نسبه ..