[مدااااااااااوي2010]

المشاركة الأصلية كتبت بواسطة خالد9921 صحيح راح ينقطع رزق بعض هالبنات لكن على العقلية المعكوسة الغريبة اللي عندنا اقول الحمدلله حتى ما نموت قهر من التخلف لانو بصراحه شي يطيّر المخ والعقل واي حاجه إن بنات كاشيرات يحاسبوا للعوائل حتى لو معاهم رجال او محرم لهم اللهم يكفي بس عائلة تمشي عشان تدخل سير هالكاشيره !! في حين ان المحلات النسائية الخاصة زي الملابس الداخليه والمكياجات يشتغلو فيها شباب ومن طقة كل واحد محمر خدوده وآخر تسريحه بالموضه وطيحني !! اقسم بالله أحس بطعنه غباء وقهر اليمه بمجتمعنا كل ما اشوف حريم بدون محرم مجبورات يدخلوا محل يخصهم كحريم وفبه واحد يبيع من الاشكال هاذي في حين إني القى المرأه الممرضه بالمستشفى تتعامل مع الجنسين !! معليش يمكن قطع ارزاق لكن طهرنا من نقطة تخلّف رهيبة في تاريخنا بهالتناقض اللي صاير أعلا كلامي ,, !! اذا تبغون صح مصلحة المرأة وتحصيل رزق لها اول شي راعوا عقولنا وغيرتنا كمسلمين ورجال لمّا رجال يبيع على حريمنا ادواتهم الخاصه !! وبعدين يصير خير في بنت راح تشتغل عمل مختلط كالكاشيره !! قبل كم يوم دخلت مجبرا اشتري غرض للاهل من محل مكياج < كويس عرفت اجيبه والله تقززت من منظر شاب يشتغل جالس يشرح للحريم عن المكياجات كأنو صديقتهم ويده مليانه من الوان الروج والكحل !!! منظر مقزز حتى نادر اشوفه في دول اجنبية تروح الحرمه فيه غالبا للبايعه بدال البايع بالمحلات هاذي !! بالإمكان تخصيص اي شي كان زي الكاشير والمحلات هاذي بشكل نسائي بحت ومغلق لهم بس خاصة إن النساء بالتحديد ثم اطفالهم هم الزبون الاول بالمولات والاسواق والاكثرية والربح الاكبر للشوبينق هنا وبالامكان عمل إتحاد ضخم من المولات لهم لتشجيع المجتمع فعلا على هالخطوه مثل إتحاد هايبر بنده وراح يجني ارباح نفس ارباحهم اليوم ويمكن اكثر كمان لكن من غير المعقول اني اشوف وحده تشتغل في مكان تتعامل فيه مع الجنسين في حين المحل اللي المفروض فيه بس جنس النسوان تلقى الرجال يبيع على حريمنا !! وعشان كذا عندي استعداد اصبر على حرمتي كم دقيقه لحالها بأي محل لو طبعي كذا لكن مستحيل مستحيل اخليها تدخل محل نسائي خاص ورجال يبيع فيه لحالها بدوني او تتعامل وتتكلم معه وانا معاها زي الاطخم ساكت الله يكون بالعون بس :/ وليت يحرصون على ردع امور تكسر كرامة المرأه فعلا وقد لا سمح الله تجرها لامور سيئه ومعاصي عظيمه لان هاذي خصوصية نسائية وغالبا الكلام فيها بين الجنسين يجيب حساسية وتفكير غير مرغوب فيم شرعيا أبدا خاصة لما تكون ظاهرة اجتماعية خطيرة كمنظر حريم بدون محرم ورجال يبيع لهم خصوصياتهم واذا الرجال اللي جاي يشتري لاهلو عادي يسوو ركن بشباك للرجال زي طلبات الشباك بالمطاعم وغيرها وبضاعته عنده وانتهينا والا بس ماشاءالله الشبابيك يسوونها بمحلات الاغاني الفسقانه للبنات ؟ .. عندنا عالم بالشوبنيق غريب بشكل !!! المعذره اذا خرجت عن صلب الموضوع لكن الشي بالشيئ يُذكر ^_*

شكرا علي ردك وحبيت اقول انه لا مستحيل مع الفكر البشري بس حنا دائما نلبس نضرات قديمه تغيرة من حيث الصنع والجوده والتحمل والجمال الرسول نهانا بشده عن سوء الضن في كل شي حتي في داخلك ولو لم تظهره شكرا علي اثرائك