[رملة الحسني]

معكم بالتصويت لأني بصراحة حصلت على الدرجة مو من عدالة الاساسيات الانجليزية الي لقيناها في المدارس بل من الافلام والمسلسلات الامريكية وهالشي مو غلطنا نحنا بل غلط الي حاطين المناهج بطرق معقدة ما بتخدمنا وتخرجنا تنابل في الانجليزي وفوق دا كله في كل مجال وظيفي او تعليمي طالبين مننا نكون top في الانجليزي كأنها لغتنا الاساسية او حتى كأنهم يدرسونا ياها عدل !

اسم الله كأن الي عندنا يدرسوا بلابل تبارك الرحمن بل اتي ازي بآه وبأأبأة it is وما يحتاج اشرح لكم اللهجة المصرية الانجليزية ولا السعودية الانجليزية !
انتوا ذايقين بنفسكم ..

مدري كيف لهم وجه يطالبونا باللغة في كل مجال .. المفروض بالذات شرط اللغة يتجاوزوا عنه ويقدموا لنا معاهد مجانية ترمم الهوّة الثقافية الانجليزية الي خلقوها هم بنا
ثم ان مو واجبنا في دولة عربية تحكم بكتاب الله اننا نتعلم لغة اجنبية عننا وربنا اكرمنا باللغة العربية والي بها نزل القرآن ..
لكن في جميع الاحوال مو مكان كلامي هذا كله هنا اعذروني لكن هذا رأيي واشوف ان المفروض الجميع دام فرضوا علينا لغة ماهي لغتنا ولا لغة مأمورين بها انهم يدعمونا لأبعد الحدود بدال ما يعرقلوا كل امورنا عشان خاطر اللغة ..
مثلاً الي داخل لغة عربية ماجستير ايش له لزمة يكون معه التوفل او الاستيب او الايلتز ؟
بس ماعلينا وانا اخترت نعم للتصويت الموجود هنا عشان الاسباب الي ذكرتها لكم هنا ..

وربنا يوفقكم ويسهل اموركم جميعاً ويكتب لكم الخير ..