[ام حمدان]

ياابني سواء أ.طارق سيده اوغيره على بالك في شطرنا ماعندنا ناس تقف طريقنا وتعقدنا
لكن نحاول نتجنبهم وان شفنا انه مافي مجال ولابد ان ندرس معهم نلجا لرب العالمين بالدعاء ونطلبه يسخرهم لنا ونجد ونجتهد وماجانا نصيب من ربي لاننا بذلنا كل الاسباب والجامعه مو بكيفنا :(

والرساله الي مضايقتكم ماحبيت تسميتها تهديد لانه اكيد هذا مو اسلوب ناس اكاديميه في التعامل مع الطلبه

ولعلمك سبق وان توجه لي ولدفعتي نفس مضمون الرساله ولكن شفويا مروا علينا الاداريات في القسم وبلغونا بهالكلام والشي المحزن اذكر ان مرشدتنا جات واكدت هالكلام واحنا في قاعات الامتحان--كأن النفسيه تسمح بتلقي كلام مثل كذا :(
لكن اعتبرت هالكلام تحفيزمو تهديد لي على بذل مجهود اكبر وحتى اثبت لهم اني استاهل المكان الي انا فيه وماشغلت نفسي بغير النجاح وكيف اجتاز موادي والرسوب ابدا ابدا مافكرت فيه لانه هالتفكير سلبي واكيد بياثر علي وهذا فيه عدم ايمان بقدراتي وبقدرة الله على تحقيق امالي
وبعد كذا عرفت السبب الي دفعهم لهالقرار

السبب كثره الرسوب في القسم يعني فيه طلبه يحملون مواد التخصص الاوليه كلها 5و6 مرات
بالله مو حرام هالشي وقتهم وعمرهم ومالهم كله يروح بدون فايده تذكر
فجات حكايه الرساله هذي سواء نصيا(عند الطلاب) او شفهيا (عند الطالبات )
حتى تحد من هالامر
وللعلم للان هالشي ما تطبق لاعندنا ولاعندكم فتفائلوا بالخير وانا متاكده في حال طبق هالكلام راح يطبق على الي مستوى الرسوب عندهم فوق العاده

فيا ياخي الكريم حمد بارك الله فيك لا تاخذ كلامي على انه دفاع عن اي احد انما هو مجرد توضيح ونصح في ونفس الوقت
احببت ان اخفف عليكم الامر وان ارفع معنوياتكم واغير نظرتكم للرساله حتى ماياثر هالشي على مذاكرتكم لكن شكلي مانجحت :(
عموما ربي العالم بالنيات ومااعاملكم غير مثل مااعامل اخواني وانصحكم مثل ماانصحهم ومااسمح لهم يكونون سبب في تعاسه انفسهم واتمنالكم كل الخير والتوفيق وربي يبعد عنا الرسوب جميعا يارب