[Aristotle]

السلام عليكم ورحمة الله وبركاته

انا تقدرون تقلون طالب جديد

المشكله ومافيها كان عندي اختبار في الايميس

ودخلت على صفحة الاختبار على اساس اشوف المده علشان اجهز نفسي واستعد

ودخلت بالغلط على الاختبار وشفت ارقام تتناقص في اعلى الصفحه قبل ان ينقص رقم واحد وقبل ان اقراء سوال واحد واخذت الفاره وجريت بها بسرعه 180 على زر الاغلاق خوفا من ان يراني احد اويحسب علي الاختبار

لكنها كانت اعظم غلطها ارتكبت في نظام الايميس ابي اكحلها عميتها

رجعت للصفحه المنشوده بعد يومين من اعطال الايميس المشهوره

قبل ادخل اسمع صوت ينادي يابعدي بضم الباء((اختصار لكلمة تعليم عن بعد ))
والتفت يمين يسار مافي احد

واسمعه ينادي مره ثانيه انا هنا انا الايميس يتكلم معك
بسم الله الرحمن الرحيم كيف تتكلم وانت غير واقعي

الايميس: انا واقعك الي تعيشه وش عندك هنا قبل اقفل الصفحه عليك و متقدر تدخل الا بعد اسبوع؟

انا :ياطويل العمر انت صفحتي الخاصه بي وداخل عبرك برقم جامعي ورقم سري ولازم تستحملني
اذا مايستحمل الايميس الطالب من يستحمله

الايميس : اخلص وراي طلاب غيرك

انا : طال عمرك عندي اختبار ابي اختبره قبل ينتهي موعده في صفحتكم الكريمه والجميله
الايميس : يالحبيب تتغزل في

انا : ابدا من زينك عشان اتغزل فيك

الايميس : لعلمك انا تمساح
الايميس : المهم نرجع لموضوع اختبارك تراه انتهى من يوم انحشت واغلقت الصفحه

انا :طيب وش الحل طال عمرك
الايميس :الحل تلقاه عند اعضاء منتدى التعليمين عن بعد هم يعرفوني من كثر مشاكلي معهم

وانتهى حديثنا مع الايميس



ماهو الحل هل اقدر اعوض درجات الاختبار في الاختبارات الجايه

السوال المهم واهم مافي الموضوع بل هو الموضوع

كم عدد الاختبارات للماده؟ وكم درجة كل اختبار؟
وهل كل الاختبارات محسوبه درجاتها ؟::::