[Cho Kakao]

سبحان الله لدرجة الناس ماتتقبل الاراء ولا تتفهم

كل الناس سوا ؟؟ لو إنت عنيد وماتحوب الحركات الحلوه دا شي يخصك لكن في مية رجال موجود بقلبهم الحنيه والحب ^_^

أقولكم شغله ترا مهمه

ليش في ناس ماتحب تظهر الحب لبعض لأنو اهلهم اتعودو مايعلموهم كيف يحبو

او كيف يكونو فيهم مشاعر ^_^ مثلا ,, تتوقع لما تشوف أب كل همو إنو تكون ممتاز ويفكر بأمور الحياه وبس وجدّي طول وقتو , كيف تتوقع يطلع أولادو ؟ والاب نفسو كل همو تمشو كدا على مزاجو ويقولكم بلا مشاعر بلا كلام فارغ

اوك دي حاله صعبه مالها حل نقول , لأنو الطفل لما يكبر ماحيكون رومانسي لا مع مرتو ولا مع نفسو حتى

’ أما : تشوفو أب جدا حنون ويحب أم اولادو ولا يخجل من شي ويظهر مشاعرو لها قدام اولادو ويحب أسرتو تكون متفهمه ومتحابه دا اول شي بعدين تجي امور الحياه وكل حاجه بس الاول والاخر الشي المهم إنو اولادو يطلعو بقلبهم رحمه وحنيه على امهم واخواتهم ولما يكبرو اكيد حينعكس دا الشي عليه ويكون حنون أكتر على مرتو ورومانسي معاها ويبدأ يخترعلك الحركات الحلوه ويظهر الحب لها حتى بالاماكن العامه مو بس بالبيت

^__^ انا جدا متفائله من وجهات نظري لأنو أحس إستحاله كل الرجال مابقلبهم حب ورحمه وعطف ,

وأولا وأخيرا التفهم , مو التفاهم لا دا شي اساسي التفاهم بس انا اقصد التفهّم ^__^ لما تلاقي واحد كدا الاخلاقو بالله ماتتعلقي بيه لحد الجنون ؟ ^_^ .