[دلوعه غير]

المشاركة الأصلية كتبت بواسطة سبحان الله ااااااااااه حفل اكثر من يهبل اكثر من منظم احكيكم بالتفصيل انا ماخذت بطاقة ولا روب رحت انا وامي ووصلت 7 ونص دخلت امي من البوابة وجلسوها ورسلوني لبوابة جانبية اشيك على كشف الأسماء طبعا لقيت اسمي قامت كتبت لي ورقة صغيرة عشان ادخل امي ورحت لأمي اديتها ودخلت طبعا اخذوا جوالها امانات ودخلوها القاعة وضيفوها رجعت انا من البوابة اللي فيها الكشف سلموني الروب الروب من "لومار" مرتب وذوق خياطته نظيفة صح خاماته مو فاخرة بس حلو في كيس اخضر ناحية شعار لومار وناحية شعار الجامعة الروب طبعا لك مو زي اول عهدة وادوني وشاح "المرتبة الأولى" رمادي فاخر لكل الإمتياز مع مرتبة الشرف فكان تميز مفرح لنا بعض الزميلات كانو جايبين بوكيهات ورد لهم وفعلا مشيوا فيها فاللي حابة براحتها اللبس جوا تقدري تلبسي اي شي انا شفت فساتين قصيرة للركبة بس انصحكم البسي شي تقيل شوي عشان القاعة تجمد لاتلبسي كعب "طق طق" هههه لن المنصة تزحلق لبست ودخلت لقيت بوفية قهوة مرتب على جنب وكراسي وقدام كل مجموعة اسم القسم بغيت اجلس سألوني قلت "ماستر" لقيتهم حاطين للدكتوراة وللماستر غرف مرتبة جدا ارتحنا فيها 8وربع طلبونا عشان يرتبوا المسيرة طبعا اخذت وقت الى 9 لأنهم يرتبون حسب المعدل والدرجة ويتأكدون لأن اسماء الحاضرة هي فقط اللي حتقرا عند التكريم 9 وعشر دقايق دخلنا امي حكتني ان قبلنا كان السلام الوطني بعدين دخول الأميرة صيتة بنت عبدالله بعدين مسيرة الدكتورات لابسين نفس اروابنا وبعدين دخلنا احنا انزفينا على نشيد الجامعة كان شي وااااااااااااااو راقي ورائع المسيرة تمشين كل القاعة من اقصى اليمين للمنصة تطلعين وتنزلين وتمشين من اسفل لأعلى القاعة بس من اليسار واخيرا يجلسونك في مقعدك المخصص لك قدام كل كرسي كيس فيه دليل الخريجات واشياء ثانية وعلم جلسنا وبدئت الكلمات كلمة ترحيبية كلمة الخريجات كلمة مدري مين واخيرا كلمة عميدة شطر الطالبات د. هناء النعيم انهت كلمتها بعبارة " اليوم نعلم تخرج طالباتنا دفعة 1430-1431هـ" طبعا ماتتخيلوا حالة التصفيق والغطاريف من الأمهات والبكاء والمباراكات خلصوا الكلمات بدء تكريم الإمتياز مع مرتبة الشرف كل طالبة درع وتقدري تسلمي على عضوات هيئة التدريس بس بدون زحمة وبعدين تكريم الأولى على كلية الأداب الله يحميها ويابارك فيها بشيك قيمته 14 الف من بنك مدري ايش نزلنا وبدء الحفل قصيدة القتها استاذة اظن والممتع كان فيها بيت عن الأميرة صيتة الله يرحمها اللي توفت من شهر "اخت الملك" والشطر الثاني عن الأميرة صيتة بنت الملك"البنت سمية عمتها" هههه فطلبت الأميرة ينعاد البيت ثلاث مرات وعادت وكانت فرصة نترحم على الميتة ونشكر الأميرة على تشريفها حفلنا بعدها اناشيد وفرقة طالبات رقص قمنا كل طالبة في مكانها وبالعلم تقدري تشاركي وتفرحي مع صحباتك اخر فقرة في الحفل ظلموا القاعة ثواني اشعلوا شعلات احتفالية بارتفاع خمس امتار على طول المنصة نورت القاعة فرح ودموع وبعدها السلام الوطني قمنا وانشدنا ودعتنا الأميرة وخرجت وخرجنا لبوفية خفيف وانتظرنا قرابة 10 دقايق عبال فتح الباب عشان يخرج الموكب اولا من الجماعة خرجنا من الحفل الساعة 11 ونص تقريبا فيه فرصة تستلمي جوالك وترجعي تتصوري انتي وصحباتك وكانت ليلة لاتنسى دعواتكم لي ربي يكتب لو الوظيفة اللي اختبرت عليها امانة ادعولي تحياتي لكم

فكرتيني بحفلتي من البكالوريوس كانت العام :)
من جد شي مره حلو مع اني كنت مسويه حفلتي بره بس حق الجامعه كمان حلو

الف الف الف مبروووك وعقبال الدكتوراة
ايش كان لون الروب؟
وهل في الماستر حيكرموا كل البنات والا بس الامتياز زي البكالورويوس؟ << مستعجلة