[Life as Game]

المشاركة الأصلية كتبت بواسطة rــــــy والـظـآاهـر الـ م ــنــتــدى بالـكـآامـل يـبـيـلـه تــشششششششششششش .. نـ خ ـلـص مـن الآخـتـبـآارآات ,, ولـكـل حـآادثــ حــديــث ,, .........

السلام عليكم ورحمة الله ,,

صلوا على النبي يا شباب ,,

يا اخ ياسر ..احنا اجتمعنا في هادا المنتدى على خير ..
والله يجعل تفرقنا على خير ,,

انا ماني جاي اقول انت غلطان او ادافع عن الاخ ناصر ,,لانو مو في حاجتي ,,
صحيح الاخ ناصر عزيز وغالي بس دا الشي ما يخولني ادخل في هرجة مالي فيها لا ناقة ولا جمل ,,

لكن المنتدى دا لو فضل علينا وعلي شخصيا بعد الله سبحانه ,,
ويعز عليا اشوف داتا بيز من 7 سنوات وزيادة تتدمر عشان بعض الناس اللي مو قد المسؤولية ,,

والاخ ناصر يكفي انو مفرغ نفسو لمنتدى كامل واقسام متفرعة وعدد زوار يوميا بالآلاف ,,فشي اكيد حيكون المنتدى الرياضي في اخر الاهتمامات ,,

انا شخصيا اخدت كرت احمر عشاني بس قلت كلمة طعوس ,,
واخدت كرت اصفر عشاني كنت ارد على الهلاليين ..مع اني ما كنت اسبهم ,,
طبعا مو ناصر اللي اداني هيا عشان نبرئ الذمة ,,ولا حاقول اسم المراقب
الموهيم والله حتى اتحدفت ليا مواضيع في الوناسة وغيرها مع انك عارف انها وناسة ولا في اي سبب وجيه ..

دا ما سمحلي انكر جهود الاخوان وفي نفس الوقت والله ما اسامح المشرفين على حرف من حروفي كتبتها

النصر خسر بطولات كاملة بس ما خسر جمهور ,,
واتحدى احد يجيب لي نصراوي غير ناديه ,,

وانت خسرت مواضيع بس ما تخسر اخلاقك ,,

انا كنت متابع لردودك انت و الاخوان النصراويين مع اللي يجوا يناقشوكم كل اللي شفتوا كان خالي من السب وغيرو ,,
ولعلمك كنت ابلغ يوميا من افتتاح الرابطة تقريبا الى قبل شهرين ..والمبلغ عنهم ما ياخدوا مخالفات الا واحد منهم بس ,

كل دا والله امشيه عادي في النهاية والله المنتدى بالاعضاء اللي فيهم عالي قايمين عليه
ما يستحق اننا نسبب لهم مشكلة عشان كم واحد ما يحترم كلمة مسؤولية ومو بس في قسم له ..وفي النهاية يختم لك "عندك اعتراض يالايف راجع قسم الشكاوي "


على قول ابو صقر : انتا عارف وانا عارف
انتا عارف وكلنا عارفين والله
انتا والاخ مشعل و ضيدان واحد نسيت اسمو ..والله اخلاقكم اخلاق كبار وما كنت اشوف منكم الا ردود محترمة ..
وبشهادة من اعضاء محايدين كمان مالهم دخل في الكورة ..
فما يحتاج تثبت لاحد انك على حق ..سواء بموضوع او تششششش
او انك بس تسوي تشششش لرابطة المحلي مافي مشكلة << امزح امزح

في حكمة والله مرة جيدة تقول"يوماً من الآيآم ..! ~ سَيمر شريط حيآتگ من أمآم عينيگ بسرعة ، إعمل لِتجعله يستحِق المشآهدَة .."
فكون مظلوم احسن من تكون ظالم ..و احتسبها عند الله
الموهيم كترت كلام على غير فايدة ..

انا ما ابغى اسوي اني اعرفك فكل معرفتنا هنا في المنتدى واتشرف بمعرفتك ,,
لكن اللي ابغاه منك حق دخولي الرابطة عندكم انك تنسى موضوعك اللي راح ..حتى لو قالوا حيرجعوه
ونبقى حبايب و اخوان وحق الايام اللي راحت وجمعتنا عالحلو واالمر ,,
واهديلك اغنية ابو نورة لك حق تزعل ..
وعاد قوية لو رديتني