[sambod]

المشاركة الأصلية كتبت بواسطة بابس911 السلام عليكم اليوم جاتني رساله ع الجوال تم قبولي في ماستر خدمات صحية وعقبى للجميع وكان رغبه ثانية طيب اش المرحلة القادمة ؟؟ متى ارسل الاوراق ؟؟ وانا ماعندي تزكيات علمية ..هل هي ضروريه ؟؟؟؟ ولكم الشكر

-----------------

معاك واحد راكب بالخدمات الصحية و المستشفيات ............ مبروك لك يا بابس و لكل اللي انقبلوا و عقبال الباقين إن شاء الله ... و انا تراني مثلك رغبة ثانية ........ و الله اني قربت أفقد الأمل بهالجامعة و أحبط من هالتقديم لو ما انقبلت لكن الحمد لله على كل شيء ... هذي رابع سنة لي اقدم عليهم و ما كان ربي يكتب لي فيها نصيب مع اني عديت كل الاختبارات و استفيت كآفة الشروط المقررة ... و كل مرة النتيجة هي ... مستوفي الشروط .. و لكن ربي ما كتبها لي إلا هالسنة و الله العالم يتممها لي أو يكتبلي خير منها ............ الحمد لله على كل حال و تراني من هالحين بصير عريف الصف عشاني خبرة و لي صولات و جولات بالتقديم على الجامعة أكثر منك و انت خلك نائبي لا غبت عن محاظرة او شيء ...


اما المرحلة الجايه فهي الله يسلمك مرحلة التسلف و قطة الوجه عشان ندبر دراهم البرنامج للفصل الاول و هي 16875 و تودعها بحساب الجامعة ببنك سامبا الله لا يهينك و تأخذ الوصل و أصول أوراقك و تروح لمبنى 600 يطابقونها لك و يعطونك البطاقة الجامعية ...
و اما التزكيات فانا مثلك ما عندي لكن المهم قبل تسوي شيء تشيّك ببرنامج القبول و تشوف و ش كاتبين لك هل قبولك نهائي او مشروط بشروط يعني فيه طلبات لهم لازم توفرها لهم قبل توريهم وجهك سواء نواقص كتزكيات او موافقة جهة عمل او ممكن تكون مواد تكميلية لازم تأخذها مع البرنامج او حتى لو فيه اختبار بالمصطلحات الطبية لازم تعديه .. أو ممكن شهادة التوفل اوإيصال دفع رسوم دخول دورة اللغة الانجليزية بالجامعة .. يعني تستنى بكرة او عقبه و تشوف وش كاتبين لك بالموقع ...

تحياتي ...