والله اليوم حلمت إني أدخل المنتدى وأشوف إيش جد جديد
وأول ماأفتح أشوف كل المواضيع تهاني وتبريكات للناجحين
كأنوا نزلت نتايج الإنجليزي والكل مبسوووووووووووط
وأشوف ناس تقول معدلي كان كذا وارتفع وناس تقول العكس بس حتى إلي قالو إنو نزلت معدلاتهم مانزلت كثير شي بسيط يعني وكانوا برضهم مبسوطين
وأقل درجة شفتها كانت 95
والله قمت من النوم وكان قبل الظهر بشوي وألاقي أختي ماسكة اللاب وأجره منها وأنا عين مفتحة وعين مغمضة
وهي تهزئ أقولها النتايج طلعت خليني أشوف درجتي وأنا متصربعة وحاسة ماني قادرة أشوف كويس وحركتي صارت بطيييييييييييئة من الحماس والخوف
حتى مادخلت الأدوس على طول لا دخلت المنتدى كأني أبى أطبق الحلم زي ماهو
ولاشفت تبريكات ولا من هم يحزنون
بس إن شالله يارب يكون صحيح والكل يفرح بالدرجات والمعدلات العالية
وما أدري بس عندي إحساس يقولي إنو أول ماده راح تنزل يوم الثلاثاء أو الأربعاء وان شالله يكون احساسي في محله وماتتأخر أكثر من كده