[Dr.emma]

المشاركة الأصلية كتبت بواسطة am00na آهلاً بآمونا .. والله انا شآيفه اليومين ذي المواضيع مزدهررره ووش مضمونها .. ليش تستنون الدرجات ؟ ليش تستنون التسكين ؟ وليش قلقانين من نتايج التسكين ؟ وليه تدخلون الاودس كل شوي تشوفون درجاتكم ؟ وآلله يآحبيبي انا رآضيه بقضاء ربي وقدره وعآرفه انو اللي بيجيني خير وبركه من ربـي بس هاذي سنة مصيرية وشيء طبيعي القلق والتوتر .. الا اذا تبغون يصير فيه لامبالآه هاذا شيء ثاني .. يعني الموضوع صدقوني طبيعي بس ماادري ليش مكبرينه !! لا أختي أكيد مو قصدي كدا ، بس إنو بدل ما نشغل فكرنا بالنتيجة و التسكين خلونا نتعمق في التفكير و نشوف إحنا إيش حنعمل بعد النتيجة ، يعني نفسي نشمل في تفكيرنا كل المجتمع عشان مو بس نرتقي بنفسنا لا نبغى نرتقي بكل الأمة .. آما من نآحية الصمت العربي والثورات في لبيبا ومصر .. فهذا لآتعلـيق ولآشأن لي فيه هذا كان مجرد مثال لأشياء ممكن ناخدها في الاعتبار لما نتخيل نفسنا بعد كم سنة إيش كان دورنا ؟ يعني لما تحكي بناتك و أولادك إن شاء الله عن دي الأشياء و إنك عاصرتيها إيش حتقوليلهم عن دورك ؟؟؟؟ ومن نآحية موضوعك فمستقبلك بآهـر في الكتابه ان شاءالله ولو اني مااتفقت معاك في نقاط .. تسلميلي يارب و شكرا لك و طبعا ما أعتقد إنو لازم نتفق في كل شي بس أهم شي يكون وضح قصدي و فهمتيه صح و بعدين طبعا لكل واحد رأيو الخاص ، شكرا :) دمـتي بـ خ يــر ..

و بالنسبة للبقية شكرا لكم و لنقدكم و رأيكم سواء كان متفق معايا أو مخالف ، وضحتولي نقاط إن شاء الله أراعيها في المرات القادمة ، و أكرر مرة أخرى مو قصدي أبدا أشتت ذهنكم أو أتفلسف و أعمل موضوع و حركة يعني بس إنو لو نوسع فكرنا شويا و ما نحصر المستقبل بالنجاح الشخصي هناك أمة كبيرة ممكن تتغير بتغير واحد فينا فخلونا نحط دا الشي في بالنا ، أعتذر على الإطالة و شكرا للجميع