[فلسوعه]

وعليكم السلام ورحمة ربنا وبركاته
هلا والله باخت هايدي
شوفي انا باحكيك على تجربتي وان شاء الله تستفيدي
انا اول ماتخرجت من الثانوي كل صاحباتي جلسوا في البيت ولا وحده منهم كملت المهم انا اختبرت قدرات وهم كمان اختبروا بس يجربوا يعني
بعدها طلعت النتيجه وقدمت في الفرع الرئيسي السليمانيه وانا ما اعرف احد ولا ابن بشر
والحمد لله قبلوني انتظام وجيت اداوم اول يوم وكنت ضايعه
ماكنت اعرف شي
وبعدين كانت اول محاظره لي انجلش دخلت القاعه وتخلي بالصدفه لقيت بنات من ايام المتوسط سلمت عليهم وحسيت انهم مايبغوني او زي اللي يقولوا ذي ما صدقت تلاقي احد تعرفه
لما شقتهم بذا الاسلوب طنشتهم وكنت اجلس لحالي في القاعه وما اعرف احد لكن سبحان الله نزلت علي جرأه ما ادري من فين
صرت مع الدكتوره اشارك وثلاثة ارباع اجوبتي غلط ههههههههه وانا لحالي ما اعرف احد يعني اكيد كل القاعه تضحك علي
والله ماكنت افكر فيهم وكملت طريقي على ذا الاسلوب عشان احاول اكون صداقات ههههههههه
وسبحان الله في يوم كنا خارجين من محاضرة انجلش كان عندنا بريك للصلاه تعرفت على بنت الله يسعدها دنيا وآخره قلبي انفتحلها بسرعه وصرنا اصحاب ولحد الان واحنا اصحاب وزي الاخوات
وشويه شويه تعرفت على بنت ثانيه وصرنا مو صاحبات الا يمكن تقولي أخوات
سبحان الله ما كنت متوقعه اني حلاقي بنات طيبين وأخلاق زيهم
يعني من جد الله يسعدهم فين ما راحوا
وبالنسبه لكلامك انك ماتقدري تعيشي بدون صاحبات شوفيني انا قدرت اتغلب على هذه المشكله وصدقيني الصاحبات في كل مكان
لا تتمسكي بصداقتك القديمه وخلاص
انتي بكرا حتتخرجي من الجامعه وحتتوظفي
ان شاء الله
هل تظمني انو صاحباتك يتوطفوا معاك ؟ لا طبعن
اتوكلي على ربك وسجلي في كلية التربيه بلا صاحبات بلا هم
وبعدين السنه التحضيريه يبغالها شد حيل ومذاكره مو صاحبات << مسويه يعنني خخخخخخ
استخيري واتوكلي على ربك
وبعدين على ما اعتقد اذا قبلوكي في جامعة عزوز يخيروك ايش تبغي السلامه والا السليمانيه
انا كذا سوولي خيروني حتى قلت ايش الفرق بينهم <<هههههههههه
الله يوفقك وسوري عالاطاله