السلام عليكم
والله لا انا ادافع عن الدكتور ولا هو من بقية اهلي
اولاً الدكتور دخل القاعات وقال ممنوع استخدام ورقة خارجية يعني ما يبغالها فرضيات وتوقعات
ثانياً الدكتور ما قال لازم تحل على ورقة الاسئلة وهذي كلها يعني احتمالات نقولها يمكن تكون خاطئة وعشان كذا نزلنا الاجوبة وقلنا كل واحد يتاكد من حله عشان ما ياخذ شي في ذمته واذا نفس الاجوبة ياخي روح اعترض وهذي رقمي الجامعي 0955026 قول انا حليت نفس حل الطالب وهو اخذ 95 وانا اخذت درجة متدنية
دائما كل طالب يعتقد انه حال صح وانا واحد منهم واذا جاب درجة متدنية قام قال تصحيح عشوائي والدكتور ظالم ومن ذا الكلام
ياخي يمكن غير كلمة في السؤال واحنا ما انتبهنا ونعتقد حلنا صح وهو خطأ
نقول الدكتور حاط اسئلة صعبة او اسئلة لف ودوران او وضع اسئلة الوقت غير كافي لحلها بس لا نجي نشكك في ذمة احد ترا والله ماهي بسيطة وتسأل عنها يوم القيامة
الواحد يقول حسبي الله ونعم الوكيل
استغفر الله العظيم
|
ياعمي تستهبل ماراح يكون حالك كذا لو اخذت درجه متدنيه
اقولك عده نقاط :
بعض الاخوان هنا حلو نفس الحل وهم ورى بعض واحد ياخذ 80 والثاني 60
اكثر الاخوان درجاتهم 64 معقوله هالكلام وش قصه هالدرجه
بالنسبه لحلك عندك ثلاث او اربع اخطاء فيعني الحمد لله والشكر معطينك اكثر من حقك
نهايه الموضوع اتوقع والله اعلم :
ان اللي صححت الاختبار لجنه
اللي اخذو درجات عاليه او مثل ماتوقعو هذا صاحي اللي مصححلهم
اما اللي اخذو درجه حلوه بس مو مثل ماتوقعوا هذا مصحح ملول
اما اللي اخذو 64 اللي صححلهم هذا نايم وعجزان يصحح فقال اختصر الموضوع
واعطيهم 64 ..
تكفون ابو درجات عاليه لايجي يتفلسفف مع احترامي
لانو لو هو بمكاننا كان دبل تسبودنا وحاله مو مثل حاله الحين ..
احنا حلنا يجيب 85 نقول اسوء احتمال 80
ياعمي قهر انا واحد مابقيلي على الجيد جدا الا ي قليل
ولابقي الا ترمين وهالماده بالذات هي اللي خفست معدلي هالترم
لو اخذ درجتي المستحقه ارتفع ست نقاط بالتراكمي
فيعني قهر ..
يتكلمون عن نزاهه دكاتره ولايتكلمون على ظلم طلاب
انا عانيت كم مره يمكن بثلاث مواد قبل هالترم بدرجه متدنيه
بس وش اسوي ماحد يعطي وجه واللي كان عنده ((واسطه ))
قبل كم ترم ناس يتكلمون عن انهم ظلموا بالتصحيح واعترضو ومعهم واسطه زودوهم 18 درجه لله في الله قال مابي اوجع راسي .. واعيد تصحيح الورقه لك 18 راضي
قال ايه ..
وليه حنا مانعامل مثلهم ولاعيال البطه السوداء
ندفع فلوس وايجار ومصاريف ومذاكره ويجيك واحد مايعطي حقك
قهررررررر حسووو ياناس لاحد يتكلملي عن المبادى والذمم بليز
وشكرا