.gif)
أبحث عن تفاصيل عن الماجستير في نظم المعلومات الإدارية
السلام عليكم و رحمة الله و بركاته،
أنا خريجة بكالريوس من جامعة الملك عبد العزيز تخصص نظم معلومات ادارية
احب استفسر عن التفاصيل المتعلقة بتجربة الطالبات اللي عملوا ماجستير في هذا التخصص في الجامعة.
انا سمعت ان لازم نختار ما بين بحث و رسالة. ممكن احد يشرح لي الفرق؟ و ايت تقريبا الأسهل في التطبيق او في الاجراءات؟ و كيف يتم توزيع الدرجات في كل واحد من هذول الإختيارين؟
هل فيه كورسات تتآخذ و واجبات و امتحانات؟ ولا بس البحث أو الرسالة؟
كم مدة الماجستير في تخصص نظم معلومات؟ سنة؟ سنتين؟
و كيف الأساتذة؟ و مين هم؟
كيف التجربة بشكل عام؟؟
و في اختبار القبول هل أدرس مواد نظم المعلومات و لا بس ادارة أعمال 101؟
أحب اعرف كل التفاصيل اللي تعرفوها سواء عن طريق تجربة أو عن طريق اشياء سمعتوها
أرجوكم لا تبخلوا علي بالتفاصيل لأني ماني عارفة اذا ابغى أكمل أو لا و لساعي قاعدة استخير و مرة مرتبكة.. مع اني مني كسولة و معدلي كان ممتاز.. للأسف ما اعرف وحدة من زميلاتي دخلت ماجستير، عشان كدة حأعتمد على المعلومات اللي هنا.
لكم جزيل الشكر
|