[M7AMMED]

معنى ماده حره ؟؟ وايش فايدتها ؟؟ معنى مادة اختيارايه ؟؟ وايش فايدتها ؟؟ الساعات المكتسبه هي المحسوبه لتخرج والا الساعات الفعليه وايش معنات الثنتين ؟؟

بالنسبة للمادة الحــرّه : مطلوب منك في الخطة الدراسية تدرس ( مادتين حرة ) ، يعني لو انت مثلاً في كلية الإقتصاد بتاخذ مادتين من أي كلية ثانية على سبيل المثال تاخذ من كلية الإعلام مادة إسمها الرأي العام عدد ساعاتها ثلاث ساعات ، ويتبقى عليك مادة حره ثانية مطلوبة منك يعني تختار مثلاً مادة الإقناع ، صار مجموع المادتين الحره المطلوبه منك في الخطة الدراسية ست ساعات .

-------------------------

بالنسبة للمادة الإختيــــارية : تختار ثلاث مواد من نفس الكلية اللي انت فيها بشرط تكون من تخصص ثاني ، يعني مثلاً لو انت تخصصك تسويق بتروح للتخصصات الثانية مثل تخصص موارد بشرية أو تخصص الأعمال الدولية وتختار من عندهم ثلاث مواد على سبيل المثال تختار مادة (إدارة الجودة الشاملة) <<< طبعاً المادة هذي مو مطلوبة منك لو كان تخصصك تسويق بس تقدر تاخذها مادة اختيارية

---------------------------

بالنسبة للساعات المكتسبة للخطة الدراسية هي المطلوبة 128 ساعة ،، لازم تجتازها بنجااااااااح .

أما الساعات الفعلية أو المسجله : هذي مجموع الساعات لجميع المواد اللي درستها سواء نجحت فيها أو حملتها ، يعني مثلا لو عندك انت الترم هذا على سبيل المثال 15 ساعة ونجحت في 12 ساعة وحملت 3 ساعات ، يصبح عدد الساعات المكتسبة لك لهذا الترم 12 ،، وعدد الساعات الفعلية أو المسجله 15 .






إن شاء الله تكون واضحة لك اخوي ؟

أتمنى لك التوفيق ولا تنساني بدعائـــــك .