[الشاعرة الحنونة]

السلام عليكمـ ورحمة الله وبركاتهـ ..
حبيباتي ..
قرأت الموضوع من أول صفحة لهذه الصفحة
أشكر صاحبة الموضوع على بادرتها الطيبة
لكن بحكمـ .. خبرتي وزي ماقلت لكم أول اعتذرت عن هذا التيرم بسبب اللخبطة اللي صارت
أنا كان التيرم اللي فات تيرم التخصص فسكنت فيه في كلية الرحاب [ الفنون والتصاميم ]
وللمعلومية مبنى الاقتصاد المنزلي اللي قلتوا عليه كويس وحلو هذا خاص بالتغذية والنسيج ...
أما الديكور الداخلي يندرج تحت [ الفنون والتصاميم ]
المهم أنا وقتها سكنت وسكنوني هناك في كلية الفنون [ اللي مبناها تمامًا زي المدرسة وأقل مستوى بكثير من المدارس ...] تقريبًا في الشارع الخلفي من [ كلية الاقتصاد المنزلي ] اللي ذكرتوا وصفها
راحت الله يسامحها وحدة من المسؤولات سكنتني في الكلية [ رسم وفنون ]
لأنه القسم [ قسم الديكور الداخلي ] لسه مافتح!
فاضطريت اعتذر عن هذا التيرم وما أدرس رسم وطلباتهم كانت جدً اكثير ومكلفة
ويطلبوا بماركات معينه من الأقلام والريش وحدة من البنات اشترت الطلبات كلفتها حول 700 ريال!
أنا بس أبغى الصورة تكون واضحة للجميع
لأنه حسب كل وحدة تدخل الموضوع وحدة تكتب عن الديكور اللي في حي السليمانية [ اللي هو للعلمي ويسمح بعدد محدود ]
واحنا في هذا الموضوع قصدنا [ الكلية اللي في حي الرحاب المتاحة للأدبي ]

ما أطول عليكمـ .. بس حبيت أذكر تجربتي عشان الكل يستفيد ولا أحد ينقرص مثل ما انقرصت
وأخذت بكلام المسؤولات اللي في الجامعة وقالوا لي التخصص موجود ومتاح ـ الله يسامحهم ـ

ولازم تدرسي كيفية التحاقك بكلية توها فاتحة [ يعني طاقم العمل أكيد راح يكون متوفر بعدد قليل
وراح تكوني أول دفعة في الكلية ـ بمعنى ممكن تكوني حقل تجارب ]
أنا ما أقول هالكلام من فراغ ولكن بعد ما استشرت أهل الخبرة ..
لازم تكونوا على دراية تامه بالقسم وايش راح تكونوا بعد التخرج
اللي أعرفه خريجات الكليات الفرعية غير خريجات الفرع الأساس اللي بالجامعة
واللي بالجامعة لهم الأحقية في التوظيف [ لأنه حتى المنهج يختلف بالنسبة للديكور الداخلي وبالانجليزي مثل ماسمعت ]
وإذا حابيين تتأكدوا من المعلومات يكون أفضل

وفالكمـ البيرق ياغاليات

:)

ربي يوفقنا للي فيه الخير لنا ويكتب لكل وحدة فينا الخير يارب
أختكمـ :الشاعرة الحنونة