[rubi]

السلاااااام عليكم

بصراحة انا اشوف ان اغلب الاعضاء اللي ردو بالموضوع اللي فات حكمو على سكوت بدون مايتفهمو مقصدها وبدون سؤالها 000 فقط انتقدوها وهاجموها وبس 000لمجرد انها ذكرت اسم واحد يكرهوه

طيب هي ذكرت اسمو لان في نقط متشابهة بين اللي هو طالب فيه وبين مطالبنا احنا كقيادة السيارة اللي عامل ازمة ويثير السخرية للاسباب اللي عشانها بيمنعو السواقة بالبلد

كمان وبصراحة انا برايي ان الاخ سوبر من الشباب السعوديين اللي مايبغو اي تغيير بالسعودية عن حياة امهاتهم او التقاليد اللي تطبق زمان

وطبعا في اشياء كتيرة بتحصل بوقت قصير وهي غريبة على الرجال السعوديين المحافظين >>مو الكل
وطبيعي انهم مو عارفين ايش اللي حصل بالزبط زي 00 طلب الفزعة من شخصية امريكية شهيرة 00 عمل حملة انشهرت عالميا فيها نوع من التحدي الكبير للرجال بالسعودية 00وليش النساء بيطالبو بعين قوية السواقة اللي يشوفو دول الذكور بانو شي مستحيل يناسب المراة لانها شي لازم يجلس بالبيت تربي وتهتم بالزوج وبسسس 00 طبعا دي افكارهم المتاصلة فيهم اللي يمكن مستحيل يغيروها 00 واي راي غير تقاليد اهليهم يكون راي غبي ويكون ناتج من غزو فكري اوروبي وما الى ذلك

والمحزن بالموضوع بالنسبة ليا ان شاب سعودي جامعي شايف ان فساد المراة يجي من تعليمها 0000وتعميم دي النقطة عالبنات عامة


بس الغلطة مو غلطة سوبر وبس 0000 اغلب الرجال بالسعودية يمشو بالسوق ووراهم الحريم 00الرجال يسوقو والمراة تستاذن فقط 00الرجال له الكلمة الاخيرة باي شي يتعلق بالمراة حتى لو هو على حق او غلط

يعني دي الاشياء كلها كافية لتبين للرجل السعودي قد ايش المراة اقل منه وتحت ارادته 00 كيف فجاة تعمل كل ماسبق ؟؟ طبيعي يجي رفض 00 وغضب 000واستهزاء كبير 0 اللي 0اخدت منو نصيب كافي منال الشريف

استغفر الله واتوب اليه