[بهار]

بسم الله الرحمن الرحيم
السلام عليكم ورحمة الله وبركاته
كيفكم عساكم طيبين واموركم تمام ..الف مبروك للنجاح للكل
امممم ماني عارفه كيف ابدأ كلامي وكيف اوصلكم اللي فخاطري بس انا رح اكتب كل اللي في خاطري وانتوا افهموني
انا مااشوف نفسي في اي قسم بالجامعه الا الانقليزي انا مرررره احبو من يوم وانا صغيرة وكنت حاطة فبالي لما اكبر ادرس انقليزي بس صراحة شكلي اتسرعت ماني قد هذا الشي لاني ليا سنتين وانا في المستوى الثالث ورسبت في الريدنق 1 والحين هذا الترم رسبت في الفرنسي 2 وفي الترم مااخد الا 3 مواد بس ولاني داخله معهد بسبب ظروفي المادية والاجتماعية وبصراحه مررره خايفة من المواد اللي جايه زي اللغويات والنحو والمدري ايش فأنا قررت وقراري كان مررره صعب بالنسبة ليا اني اغير تخصصي وادخل علاقات عامه طيب بالله ايش اسوي انا لازم اشتغل علشان كدا لازم ادرس بسرعه واتخرج ولازم تكون دراستي في مجال العمل فأنا شفت من منظوري انو علاقات عامه انتساب طبعا حلو بس ماادري هل هذا التخصص موجود في جامعتنا ولا لا
الله يستر عليكم دنيا واخره انصحوني ارشدوني والله ماني عارفه ايش اسوي بس تعبت ماابغى اتخرج من الجامعه بعد6 او 7 سنين او اكون في المستوى الخامس وارسب كثير ويقوموا يطردوني من القسم علشان كدا ايش رأيكم اغير ولا لا