[الى من يهمها امري]

السلام عليكم ورحمة الله وبركاته

قصيدة طازة ان شاء الله تعجبكم:

قالوا لي وشلك مالحزن والكابه...................اهجر وليف عذبك يا فهيمان

كيف اهجره وانا مرتاح بعذابه.................حبه بصدري تملك كل عرق وشريان

نظرة عيونه مثل سهم رما به..................قتاص ما يخطي على طول الازمان

وشفته ريقها الله يا حلا به....................كنه عسل صافي دواء كل مرضان

ما يسعد الخاطر يكون ارتضابه.............وان مت بعده مت شابع ورويان

شعره على الكتف يبهرك انسيابه............حاذر لعينك له بريق ولمعان

خده لدمعه ترا صفحة كتابه.................واليا خجل ياخذ من الطيف الالوان

والكف والله لو تناظر خضابه..............لتصيح من حسنه ايا رب يا رحمن

ذكره يزين الهروج اليا انحكى به............خاتم ذهب خالص وغالي بالاثمان

حبه بصدري مثل عزف الربابه.............اجلس وانا طربان واقوم طربان

احسد عليه اهله وحتى ثيابه..................يوم لامست خصر نحيل وضمران

حتى خطاه يزيد صدري رحابه..............واطلب له من الله عفو وغفران

وان راد وصفه كل راعي نجابه.............يعود مصدوم وبه الفكر حيران

لاقفى وليفي القلب زاد التهابه..............ولاقبل تراه يشيل مالقلب الاحزان

ما اهجره لو كل الخلايق تعابه.............له داخلي قدر ومعزة وميزان

ما عابه الا واحد ما درا به................تعبان قلبه وايضا الفكر تعبان

انا اشهد ان الله ربي اعتنا به..............وانا اشهد انه ما خلق مثله انسان

اخوكم: هاني الغامدي