[نسيم الحجاز]

كلام سلييييم
مافي فرق الآن بين السليمانيه والفروع من ناحية الخطط الدراسية والمواد والنظام
الفرق كااان زماان لما كان في شي اسمه كلية تربية كانت الفروووع كلها تعتبر كليات تربية وكان نظامها غييير( تدرسي مواد الكليه الي تخصصتي فيها سواء علوم أو آداب أو اقتصاد منزلي +مواد تربويه ) والنظام كان عندهم بشكل عاام زي المدرسه متعب صراحه أما دحييين ماعادت موجوده كليات التربيه كلها انظمت للجامعه وصارت اسمها كليات جامعية فرع البنات وتغيرت الأنظمه كلها فيها وصار الي تبى تدرس تربوي تاخد دبلوم بعد البكالوريوس أما كلية التربية تعتبر أحد كليات الجامعه موجودة في الفرع زي كلية الآداب والعلوم والحاسب لكن تدرس مسارات التريية الخاصة للآن فقط مافيها غير هذا التخصص

أما من نواحي المبنى والاستاذات كل واحد له مميزات

الفرع مثلا الفيصيليه اجدد وانظف وارتب لكن أصصصغر والاستاذات اقرب واكثر تفهم للطالبات لكنهم أقل عدد

السليمانيه الاستاذات (دكتورات أكثر ) فرصة انك تختاري لكـــــــــــن عن تجربه انا كنت هناك درست كلية علوم الاستاذات أقل مراعاة للطالبات (مو الكل ) طبعا بس هو كجو عااام يعني تحسي إنو ماأحد داري عنك ولا يهمه مصلحتك الاااا انتي نففسك بنفسك .
النظام في اللبس من تجربتي اشوف الآن عادي كلهم زي بعض ممكن السليمانيه مشددين أكتر في النظام ويركزوا لك على كل مخالفه من ناحية البطاااقه خاصة وغيرو بس الله يبعدنا عن المخالفات من الأساس .