[القصير]

دخلت القاعه قبل لايبدا موعد الاختبار من زود الحرص والدوفرة والحماس خفت يؤ ياويلي الاختبار بدا من زمان ومحد قالي والناس قاعدين يحلون ولاوبعضهم حل وخلص يلهوي!!! وادخل واشيل العباية واقعد استنى يجيبون لي ورقتي اطالع جمبي اش داااااااااا!!!وش يختبرون ذول انفجعت اقوى شي وطلعت سالت واكتشفت ان الاختبار باقي مابدا ومن بعدها حرمت ادخل اختبار قبل موعده..

تعرفوا لما تذاكروا وتحسوا انكم دوافير اقوى شي وتدخلوا الاختباروتكتشفوا انكم موقادرين تحلوا شي رغم انكم مذاكرين هذا اللي صار في اختبار العقيدة وماانسى هاليوم كرهته!!تخيلوا يمكن حليت بس عشر فقرات هذا اللي متاكدة منه والباقي تخبيص تعرفوا اش يعني تخبيص يعني(حأقرا بقرا....) طلعت من القاعه وقلت في نفسي لازم اتهيا نفسيا واحط ببالي اني احتمال كبير ارسب لاقدر الله فياسوسو لاتزعلي اذا .....لدرجة اني خلاص استسلمت راسبه راسبه مافيها كلام وشفت الدرجة الساعه 8 صباحا يوم الخميس وللحين فاكرة وقتها كان اخوي رايح الدوام شفت الدرجة تنحت دموعي نزلت والله صرت ادخل عالاودس واطلع اكثر من مرة ياجماعة يمكن غلطانين اويمكن انا يتهيالي او...منين جات ال 90؟بكيت وحمدت ربي ع هالنجاح

في اختبار السيرة النبوية والخلفاء كان الفقه معه بنفس اليوم فركزت عالفقه وصفيت السيرةانااخذتها حرة دخلت الاختبارعمري ماشفت اسئلة اتفه من هذي بس المشكله اني ماذاكرت تحسفت صراحة ونفس الشي ماحليت حتى الصح والخطا حطيته كله صح عساس يطلع شي منه صح والبنات ماشاءالله فرحانين ياسلام مذاكرين واناقاعدة افحط ونفس الشي قلت ياسوسو خليك قوية وقاعدة اصبر نفسي ومن سوء حظي ان هذي المادة مانزلت درجتها الا في الاخير هي اخر درجة نزلت عالاودس يمكن قعدت اسبوع ع اعصابي وش احلام وش كوابيس والله اول مرة تحلمت اني حملتها وثاني مرة تحلمت اني نجحت فيها وماخليت احد ماسالته تتوقع انجح فيها ولالا؟ اخوي سالته عشرين مرة طفش مني وقتها كان النت عطلان عصب لدرجة انه قلي شوفي ماحيرجع النت الا اذا رسبتي فيها عنااااد فيك!!! يمزح طبعا هههه

في اختبار علوم القران طبعا ذاكرت من الملزمة وياكثر التعريفات دخلت الاختبار المادة سهله ماحجيب اقل من ميه ان شاءالله (احم وحدة واثقه مرة)طبعا كلنا فكرناا انه الاسئلة موضوعيه تفاجانا انها مقاليه لااااا وموبس كذا وعشر اسئلة اظن والاختباركله ورقتين فاضية بين كل سؤال والثاني فراغ ياكبره من قلة الاسئلة والله بس بجد الكل تفاجا حتى المراقبة قالت والله يبغالكم صورة اشكالكم تحزن ههههه كنه اختبار رياضيات هذا كله عشان الاسئلة مقاليه خلاص حلوا اي شي اناعن نفسي كل شي في راسي حطيته والحمدلله نجحت..بس بجد الاسئلة سهههههههههههههلة قد البحر.

كني كتبت قصة حياتي ولا؟؟