رد: ما رأيك في دراسة الطب باللغة العربية ؟؟
وعليكم السلام ورحمه الله وبركاتو ورضوانه دكتور
اول حاجه احب اقول انو لغتنا لغه مميزه ولغه القران الي ربنا انعم علينا بي واختار اللغه العربيه انها تكون هيا لغه القران..
لكن انا شخصيا اشوف انه العربيه ( لغه الضاد) لغه مره مره مره صعبه...بالنسبالي على الأقل..اطول في القراءه و الكتابه...و في بعض الحروف تقيله..ونقاط...امكن هادا الي يصعبها..انا اشوف انو الكلمات الطبيه لو اترجمت و اتحولت الكتب وكلي شي بندرس في الطب عربي حيسير في صعوبه...النطق الصحيح للكلمه حيكون صعب توضيحو...الكلمه حتسير اطول بكتير..التقسيمه prefix, root , suffix ما اعرف القواعد دي كيف حتركب او هي تركب اصلا ولا لأ...ما اعرف مره احس الطب حيسير شي معقد..
يعني شوفو ماشاء الله احد يقدر يقول السنه التحضيريه كانت صعبه عشان كانت انجليزي كل المواد؟ ما اظن
انا اشوف انو الإنجليزي لغه جدا جدا سهله وبسيطه وتنلقط بسرعه..القراءه حتكون اسرع ...تقسيم الكلمه وفهمها حيكون ابسط
دكتور موضوع حلو سمع اراء الناس في ....شكرا
وكل سنه وانتو طيبين
|