رد: ط ب ي ب yes we can
اشكرك على الموضوع الي يرفع المعنويات و الي دايما حيحسسنا انو همتنا عاليا وشغلنا الإنساني الي بنشتغلو
..
تعرفي الي يحببني في الطب ..ما اعرف اشرحلك ههههههه عمري ماجربت اشرح مشاعري تجاه دا الشي خليني احاول..
ما اعرف احس انو كلي واحد/ه يبغى يدرس طب يقدر..يبغى ينجح صدقيني يقدر..
بعدين لمن نتخرج..حتى واحنا نطبق في المتشفى تقدري تسيري الدكتوره الي انتي تبغي تسيريها..
تقدري تتفوقي في شغلك...تقدري تحتوي مرضاكي..تقدري تمارسي عمملك بالطريقه الي تحسسك انك انتي بتسوي تغيير في العالم..الي تحسسك انو انتي سبب في ابتسامه الي قدامك...انتي سبب خليتي المريض يرضى ويوقع على علاج ليلو اضرار وفي النهايه ( نجح الموضوع) ..
لمن تحسي..انو المرضى مايبغو غيرك عشان مافي دكتور ولا دكتوره تانيه متفهمه قدك...يعني دا الشي بالزات...الطب..يوريكي التغيير الي تقدري تسوي في الناس وتريحيهم وتشفيهم بإذن الله
مو شي حلو؟ انو تحسي انو حياتك مو بس لنفسك؟...حتجي ايام محاتنامي الا ساعه وحده وباقي اليوم اوونكول...وسهرانه وشايله هم غيرك...دي من الأسباب الي تريحني وتحببني واحس تلين قلبي 3>
|