[~RAN~]

{ الطلاب } بالتأكيد مو كل الطلاب حيدرسوهم أفضل الدكآترة.. بالتالي إذا وقعت عند دكتور ما تتمناهـ لايكون في بالك إنك بتجيب درجآت وآطية أبداً ..! تقدر تفهم من المخصآت واللي يشكل عليك تسأل دكتورك أو أي دكتور تبغآهـ أعرف كثير من الطلبة درسوآ عند دكآترة "ما نتمناهم" ودرجآتهم أعلى من اللي عند أفضل الدكاترة ..إذآ الأسآس هو نفسك .. لكن نظرة سريعة على أفضل دكآترة سمعت عنهم أو درست عندهم كالتآلي... ~ خطة أ ~ المآث :: دكتور كنت اسمع عنه من قبل التحضيري ..د.حمدآن السلمي بس اكتشفت ان محاضراته تبدأ من 5 العصر .. < يمكن تتغير ^^ فاعتمدت ع الملخصآت وإذآ ماا فهمت شي سألت دكتوري.. الفيزيآ :: د.سعد أو سعيد الأمير ..كانت محاضرتي بعد شعبته لمن كنت اخش القآعة وأطـل في السبورة مااآآ شااآآء الله والله كنت افهم الدرس اللي حناخذهـ في المحاضرة حقتنا من وضوح شرحه اللي في السبورة وبساطته غير أنه متعاون وطيوب جدآ مع الطلاب الصرآحة حاولت انقل عندهـ بس ماا تيسر النقل :( ،، الاتصآل :: سمعت كثير بــ د.يعن الله الغآمدي قمة ماا شااء الله "غالبا غالبا أسآتذة الاتصآل ممتآزين لأن مادتهم تجبرهم على التعاون والتفاهم" الحآسب :: بعض من زملائي كانوا عند وآحد لقبه "أبو الحمايل" مني فآكر اسمه والله .. كان يعطيهم الدرجة الكآملة في العملي ويتغاظى عن الاشياء البسيطة ..قالولي كان معاهم واحد صفر في الكمبيوتر أعطاهـ الدرجة الكاملة "مسآعدة" بس اللي درسني كان يحآسب على كل شـي وتآخذ حقك ،، عشآن كذآ وقت العملي أضمنوآ وانتبهوآ للأشيآء التافهة كمان .. ~ خطة ب ~ الكيميآ :: د.عبدالعزيز السبآعي قمة في العمل مااا شااء الله يكون موجود قبل بداية المحاضرة بنص سـآعة عشان اللي عنده سؤال يفهمه واذا ماا في أسئلة كثير يراجع الدرس السابق ..وشرحه ممتآز ويسوي مرآجعآت ويفهمك ويعيدلك اللي منت فاهمه بكل رحابة صدر الله يعطيه العآفيه ^^ و د.يآسر العنقري من أفضل وأكثر الدكاترة اللي الطلاب يحولو لشُعبُه ويسوي مراجعات قبل الاختبارات وتجي أسئلة من مراجعاته باختصآر دكتور لايوصف ماا شااء الله ..الله يزيدهـ بركة وفضل ..تمنيت يدرسني بس برضوآ السبآعي تمآم ^^ و د.إبـرآهيـم مخآلد "منسق المادة" < مدري يمكن يتغير السنة الجآية ..! شديد ماا شااء الله لازم كل طالب في محاضرته يجيب ملف عشان يجمع فيه الاوراق اللي يوزعلهم هيآ بشكل دوري وإذآ ماجبت الملف أو ماا حليت الواجب اللي يوزعه تسمع كدآ "تفضل لو سمحت برآآآآ" وهوآ اللي يحط أسئلة الاختبار ويبغى طلاب جآدين ويمشوآ معاهـ بالمللي .. بس حقيقةً ماا تخرج من المحاضرة إلا والدرس مدبس في مخكماآآ شااء الله. .بعض أسئلة الاختبارات اللي يبغالهااا تفكير طويل نسبيا أعطاهآ طلابه في الاوراق اللي يوزعهااا ويقلهم ذاكروا الأوراق مزبووط ^^.. الإحصآء:: د.أحمد العم و د.سعيد الغامدي أخطر ثنائي في الشرح ماا شااء الله ..الله يعطيهم العافية والشُعَب اللي يدرسوها دآآآيييممآآآ أعلى درجآت فيهااا.. الأحيآء :: ماا اعرف غير دكتوري سفيان العسولي يشرح بروآقة وإخلاص ويهتم أن الطالب يفهم معـآهـ "بس إحنا ماا اهتمينا :( وزودناها شوي عشان التست بانك" وفقكم ربي لأعلى المراتب [ ودمتم بطآعة ^^ قبلـ لا أبدأ في سرد أسمـــاء الدكاترة وما لهم وما عليهم .. أنبه إن شرح الدكتور لوحده - مهما كان مميز - لا يكفيـ أبدا .. وهذا الكلام ينطبق على الـ ( الماث .. الفيزياء .. الكيمياء .. الإحصاء ) .. فقط حبيت أنوه عن هالشيء .! .: الأحيـــــــاء :. اسمـ المحاضر : بروفيسور. عبدالرحمــن عبدالفتاح فرج اللـه .. موقعــه : ttp://afaragalalh.kau.edu.sa/Default.aspx?site_id=0050940&lng=AR مميــــزاتــه :- 1 / إنســـان رائع قبل كلـ شيء , يــعاملـ الطلاب على أنهم أبناؤه .. أسلوبه في التعامل مع الطلاب راقي جدا, طوالـ الترم لم يرفع صوته على أحد أو عامله بقلة احترام . 2 / قدرتـه التعليمية مميزة .. إنسان متمكن من المادة وخلفيــته عنها هائلة جدا .. ولكن بحكم تواجد التيست بانك قل حماسه عن بدايــة السنة , ولو تم إلغـــاء التيست بانك والإعتمـــاد على المنهج أضمن لكم أنه سيكون أفضل محاضرين هذه المادة . 3 / يتقبــل جميع الأسئلة في أي وقت من المحاضرة .. وكلـ ما ينتهي من نقطة لا ينتقل لـ نقطة بعدها بعدها إلا إذا كان الكل فاهم . سلبيـــاته :- 1 / لو كنا متأخرين بالمنهج يشرح بسرعة .. وغالبا راح يخليكم تحضروا لـ آخر يوم دراسي . 2 / يهتم بالتحضير .. ما يهتم بموعد الحضور لكن المهم إنك تحضر على الأقــل بعد بداية المحاضرة بثلث ساعه . 3 / البروفيسور أحد منسوبي كلية الطب .. وفي بعض الأحــيان ما يحضر - يقولنا قبلها - .. لإنشغاله بدورات وندوات في كلية الطب . * مــا تحتاجه في محاضرة البروفيسور : ورقـــة وقلم .. وذلك لتدوين النقاط المهمة فقط - الدكتور يحبك كذا - . .: الكـيمـيــــاء :. اسم المحاضر: أ.د. محمد سرور الشهـــاوي موقــعه : http://malsaeed.kau.edu.sa/CVEn.aspx?Site_ID=0053040&Lng=AR مميزاته :- 1 / دكتور مرح .. ياخذ فترات بسيطة وسط المحاضرة يدردش فيها مع الطلاب .. لو كانت المحاضرة أحد ولا ثلاثاء يعطينا بريك 5 دقائق وسط المحاضرة نطلع فيها . 2 / ما يهتم بالتحضير .. تقريبا ما حضر إلا مرة أو مرتين طوال فترة الترم . سلبيـــاته :- 1 / مســتواه في الشرح سيء ويفوت معلومات بالهبل .. " وهذا الشيء أثر عليــا في أولـ اختبار - ميد 1 - " 2 / أحيــانا يكون مزحه ثقيل وما يتقبله الطالب . 3 / تأخراته كثيرة .. وغياباته مرة كل شهر ! 4 / ساعاته المكتبيــة ما يكون متواجد فيها .. * أشيـــاء تحتاجها بالمحاضرة : كتاب الكيمياء العامة للدكتور محمد قاضي .. .: الإحصــــــاء :. اسمـ المحاضر : د. حسن صلاح بقوش موقعـــه :http://hbakouch.kau.edu.sa/CVEn.aspx?Site_ID=0054294&Lng=AR مميــزاته :- 1 / دكتــور مميز في شرحه .. يتطرق لجميع معلومات الدرس - ما يسبش حاجه - .. وتقريبا أغلب الكلاس يفهم شرحه . 2 / نظامي جدا .. لازم يمشي عالخطة الدراسية وهذا الشيء يفيد في أوقات ما قبل الإختبارات لأنه يعفينا من الحضور .. 3 / يدخلـ في وقت المحاضرة بالثانية .. ومشكلته 90 % من محاضراته يخرج على وقت بداية المحاضرة اللي بعدها سلبيـــاته :- 1 / إنســـان جدي .. ممكن يطردك ويهزأك لو شافك مو منتبه ولا تلعب بجوالك . 2 / غالبــا يأكلـ من وقت المحاضرة اللي بعد محاضرته . 3 / بهتم التحضير - وقتا وجسما - .. يعني لازم تجي بالوقت المحدد ولا تاخذ غياب . * أشياء تحتاجها بمحاضرته : سلايدات الإحصاء للدكتور سعيد الغامدي .. .: المـــــاث :. اسم المحاضر : د. أحمد توفيق عبدالوهـــاب موقــعه :http://www.kau.edu.sa/CVEn.aspx?Site_ID=0056630&Lng=AR مميــزاته :- 1 / دكتور متمكن ومتميز في شرحه .. يحل ويوضح كل نقطة .. وسرعته في الشرح مناسبة لطبيعة المادة . 2 / يمزح بداية كل محاضرة مع الطلبة .. ووقت بدء المحاضرة يعطيها حقها . سلبيـــاته :- 1 / يهتم بالحضور بالوقت المحدد .. ووقت ما يشرح لو شاف تصرف سيء أو أحد يلعب بالجوال يوقف شرح .. ويهزيء فيه ثلاثة دقايق .. يحضره وبعدها يطرده ^_× ! 2 / أسلوبه جاف وسط المحاضرة .. يعني لا تستخف دمك يا بطل . 3 / يحلـ الـ examples فقط .. ولا مرة حلـ سؤال في الـ excersises . 4 / مراجعاته قبل الاختبارات غير منظمة وقلية جدا .. * أشيأء تحتاجها في محاضرته : جيب معاك كتاب المادة .. وتابع معاه حل الأمثلة - الأمثلة اللي يحلها موجوده في الكتاب بحلها - وممكن توضح نقاط الحل في الكتاب .! .: الفيــــزيـــاء :. اسمـ المحاضر : د. محمد الزيـــن موقعه : http://mzain.kau.edu.sa/CVEn.aspx?Site_ID=0001137&Lng=AR مميزاتـــه :- 1 / رجل خلوق ومؤدب .. إنســان أقدره على المستوى الشخصي . 2 / ينتهيـ من المنهج بسرعة .. حتى إنه أعطانا طول فترة الترم 7 محاضرات off.! 3 / الدكتور يهتم بالكتابة على السبورة وسرد المعلومات والأمثلة فيها .. " مهم جدا الكتابة معاه من وجهة نظري .. لأن الأمثلة اللي يكتبها صعبة الحل وأفكارها غير متواجدة بالملخصات " 4 / ما يهتم بالتحضير .. وفي آخر الترم ما صار يحضر له غير 4 أو 5 طلاب . 5 / يطلع الطلاب قبل نهاية المحاضرة بفترة طويلة - يخلص بدري - .. سلبيــاته :- 1 / ما يفهم المادة " تفهمها من ملخص أشرف بركات " .. وهذي نقطة سيئة جدا في هالدكتور . 2 / صوت الدكتور واطي .. وتفاعلـــه مع الطلبـــة ضعيف ويكاد يكون منعدم . 3 / عدد الطلاب اللي يحضروا كلاساته قليل مرة .. حتى آخر محاضرة له ما حضر إلا أنا وطالب ثاني . * اللي تحتاجه بمحاضرته : جيب دفتر خاص بالفيزياء واكتب كل شيء معاه .. وبعدها ذاكر من ملخص أشرق بركات وارجع للدفتر عشان تعرف تخل المسائل المعقدة . .: مهــــارات الإتصال :. اسمـ المحاضر : د. سعيــــد نجيــدة موقعـــه : http://snjeedh.kau.edu.sa/CVEn.aspx?Site_ID=0053928&Lng=AR مميـــزاته :- 1 / الدكتور خلوق ويحب يمزح مع الطلبة .. ويتقبل الأسئلة في أي وقت من المحاضرة . 2 / يهتم بالحضور .. لكن تأخر 10 - 15 دقيقة ما يأثر غالبا . 3 / لو تأخرت في التكليفات يعطيك فرصة ثانية .. المهم عنده تجيب التكليف بعدها بمحاضرة ولا محاضرتين . 4 / المـــادة سهلة وما تحتاج شرح .. طبعا الدكتور كفؤ لكن المادة ما تحتاج دكتور أصلا . سلبيـــاته :- الحضور عنده بدرجات .. يعني تنقصك درجات على كل غياب عليك . * أشيــاء تحتاجها بالمحاضرة : الكتاب مهم جدا ويدقق عليــه .. .: الحــــاسب :. اسمـ المحاضر : أ. عبدالمجيد اليوبي موقعه : http://computing.kau.edu.sa/Contacts.aspx?Site_ID=611&Lng=AR&Cont=17104 مميزاته :- 1 / هوا معيد أصلا - يعني مو كبير في السن - .. يعني عامله كأنه خوي أخوك الكبير .. 2 / في الإختبار العملي يساعدك وما يدقق مره .. 3 / الحاسب ومهارات الإتصال - الدكتور غير مهم فيها - .. يعني الواحد يقدر يجيب الـ 100 بغض النظر عن جودة الدكتور . سلبيـــاته :- 1 / يهتم بالتحضير - وبالوقت - .. وعنده الحضور أهم من شغلك وانتباهك معاه . 2 / راح تتهزأ وتنطرد لو لعبت بجوالك وقت المحاضرة ^_× .. 3 / الأستاذ وسيع صدر .. لكن لو عصب انتبه له . * أشياء تحتاجها بالمحاضرة : الكتاب فقط عشان تتابع معاه .. ::: هذا اللي استفدته من تجربتي مع الدكاترة اللي درسونيـ في السنة التحضيرية .. بشكل عام كانوا جيدين مقارنة ببقية دكاترة الجامعه - لكن يوجد الأفضل أكيد - :) طبعا لاحظتوا بعض الكلمات باللون الأحمروتحتها خط وهي الاشياء اللي أتوقع راح تستفسروا عنها .. التيست بانك - في الأحيــاء - : هو عبارة عن مجموعة كبيرة من الأسئلة .. لكل سؤال 4 إجابات اختيارات ( واحد منها صحيح ) يتم حفظ هذه الأسئلة .. مع بعض الرسمات وتضمن الـ 100 في المادة . التيست بانك متوافر في مكتبات الجامعه - الشقري وخوارزم - . الساعات المكتبيــة : هي ساعات محددة يكون الدكتور فيها بمكتبه بـ مبنى كليته الأصلية .. وغالبا يكون السبت والاثنين والاربعاء من 11 إلى 1 .. التكليفات - مهارات الاتصال - : هي عبارة عن مهام محددة يكلف الدكتور طلابه بعملها .. مثلا كيف تسوي c.v ولا تقوم تشرح درس معين .. الاختبار العملي في الحاسب : اختبار تختبره في قاعتك ومع دكتورك .. وعليه 50 درجه - اختبارين 25 و 25 - ويكونـ الاختبار على جهاز الكمبيوتر .. اكتب النص التالي ,, سوي برنت سكرين وكذا سلايدات الإحصاء : هي عبارة عن notes مسؤول عنها منسق المادة د. سعيد الغامدي .. متواجدة في موقعه الرسمي ولا مكاتب الجامعه . كتاب الكيمياء العامة : للدكتور محمد قاضي .. لونه أزرق متواجد في مكتبة الشقري .. طبعا هوا مو الكتاب الرسمي - لكن شرحه بالعربي وطريقة شرحه حلوة - ملخص أشرف بركات - فيزياء - : هذا مدرس خصوصي له ملخصات - تعتبر طريقك للـ a+ في الفيزياء .. موجود في مكتبات الجامعه ومكتبات خارج الجامعه زي القلم .. كل ما يرد هنا هو رأيي الشخصي في الدكاترة .. لذلك قد يختلف معي البعض وقد يتفق وحتى طلاب دفعة 12 .. اقرأو الموضوع كأنه تجربة شخص مع الدكاترة وليس حكم عليهم .. لا تخلي أي احد يحط فكرة في راسك عن الدكتور الفلاني .. ممكن طالب يشوف هذا الدكتور سيء وطالب آخر يشوفه قمة في الإبداع .. لذلك احكم انت بنفسك على الدكتور وانتبه من انك تسحب من المحاضرات .. لو كان دكتورك سيء انقل من عنده لكن لا تسحب ابدا بسم الله الرحمن الرحيم خطة أ : الرياضيات : الدكتور: عزت رمضان حسن (مصري) الدكتور ما شاء الله محترم ومتواضع ومتمكن من المادة .. لكن شرحه سريع وصوته منخفض .. وكان يحضر يوميا كان يعجبني في طريقة الشرح .. أي قانون او مسألة معقدة يحلها ويعطيك برهانها .. يعني تفهم ليش وكيف جاء هذا القانون لكن اللي مايعجبني فيه هو سرعة الشرح .. كان سريع جدا يعني يسوي اكثر من عملية حسابية في خطوة واحد .. فكان صعب اني افهم كل الي يقوله .. بالإضافة انو كان يعطينا كل شيء في المنهج حتى لو قال منسق المادة انو محذوف .. لهذا الأسباب كثير من الطلاب ما يحضروا المحاضرات .. وانا كنت احضر عنده حسب مزاجي وفي نفس الوقت كنت احضر بشكل ودي مع الدكتور خالد مرداد "منسق المادة " (سعودي) ما شاء الله اسلوبه هادئ جدا في الشرح .. ويبسط لك المعلومة ويعطيك امثلة كثيرة عليها وبعض امثلته تجي نصيا في الإختبار وكان يجمع كل قوانين الباب في ورقة واحدة ويعطيها للطلاب .. وكان قبل الإختبار يسوي لنا مراجعة ويجي الإختبار بنفس طريقة المراجعة مع اختلاف الأرقام بصراحة كان من افضل الدكاترة الي شفتهم في السنة التحضيرية الفيزياء : الدكتور: عبد الله سليمان عبد الله (مصري ) على الرغم من العلم الوافر عند الدكتور .. لكنه للأسف شرحه سيء ماكنت افهم من محاضراته الا 20% .. وفي بعضها ماكنت افهم منها شيء كان يخرج عن الدرس ويتكلم في مواضيع مالها علاقة بالدرس .. بالإضافة الى انو المثال الواحد يجلس يحل فيه محاضره كاملة وما يوصل للجواب الصحيح وبعض الأحيان كان يعطينا اشياء غير مقررة علينا .. واذا سالته على انفراد ممكن يساعدك وممكن يصرفك ولا فكرت انقل من عنده .. لانو اغلب دكاترة الفيزياء – مع احترامي لهم – شرحهم متواضع لكن الحمد لله .. بفضل الله ثم بفضل ملخصات اشرف بركات ومساعدة أصحابي .. قدرت انجح في المادة هذي وجبت فيها a+ كمان << ما شاء الله تبارك الله من وجهة نظري وحسب ما سمعت من اراء الطلاب .. انو د. فرج الحازمي " منسق المادة " ( سعودي ) يعتبر من افضل الدكاترة كان له ملخص (ملزمة اسئلة ) تجي بعض الأسئلة منها في الإختبار .. بس مشكلة هذي الأسئلة انها ليست محلولة وانت تحلها بنفسك الحاسب : الأستاذ : صالح القرني (سعودي) << مني متأكد من اسمه الحاسب مادة سهلة .. ما تفرق أي دكتور يدرسك .. بس اهم شيء يكون دكتور طيب يساعد الطلاب في درجات الإختبار العملي بصراحة دكتور جدا ممتاز .. متواضع وفلة ويساعد الطلاب في الدرجات وكان يشرح ويخلي الطلاب يطبقو معاه وحتى طريقة شرحه ممتازة يخليك تفهم المادة بدون ما تقرأه الكتاب وكان قبل الإختبار التحريري يجيب لنا نماذج اختبارات سابقة ويحلها معانا بس عيبه انو كان دايما يتأخر عن المحاضرة .. ونجلس ننتظره برا المعمل اكثر من نص ساعة .. وبعض الأحيان ممكن ما يجي مهارات الإتصال : الأستاذ: وائل العمري ( سعودي ) المادة اصلا سهلة ما يحتاج لها مدرس لو قرأتها في البيت حتفهم .. بس الدكتور ما شاء الله عليه .. متميز في الشرح ويشد الإنتباه .. كانت المحاضرة تخلص بسرعة بس كانت طلباته كثيرة ... كل اسبوع تدريب (اختبار سماعي ، قراءة ، كاتبة سيرة ذاتية ، كتابة بريد الكتورني ، عرض بوربوينت ) ال30 درجة الي في يده ما تاخذها بالراحة .. لازم تشتغل عشان تاخذها وكان يعجبني فيه التزامه بمواعيد المحاضرات وجديته في المحاضره الإحصاء : الدكتور: عتيق الغامدي (سعودي) شرحه سريع و اغلب الطلاب ما كانوا يفهموا من شرحه .. ويشوف انو الطالب المفروض يكون عنده علم بالمنهج وللأسف كانت هذي الشعبة أسوء شعبة في الدرجات ... لكني نقلت بشكل ودي لـ د. احمد العم (اردني) من افضل دكاترة الجامعة في الإحصاء .. متمكن من المادة وشرحه جدا ممتاز وممتع يخلي الطلاب يطبعوا سلايدات الدكتور سعيد الغامدي ويترجمها لهم في الحصة ويحل تمارين عليها .. وكان اثناء الشرح يقول للطلاب على مواضع الأسئلة في الإختبار بصراحة هذا الدكتور كان من افضل دكاترة السنة التحضيرية الأحياء : الدكتور: سفيان العسولي (لبناني ) ممكن يختلف كثير من الطلاب معي في رأي عن الدكتور انا اشوف شرحه ممتاز وسريع نوعا ما لانو منهج الأحياء طويل لكنه كان يبسط الشرح للطلاب ويجيب لهم امثلة من واقع الحياة .. وكان كل محاضره يسأل عن المحاضره الي قبلها عشان يشوف الطلاب فاهمين ولا لا وكان يشرح ويرسم على السبورة .. ويخلي الطلاب يشاركوا معه .. وما كان ينتقل للدرس الجديد الين كل الطلاب يفهموا الدرس الي قبله كان عدد حضور الطلاب للمحاضرات جدا قليل ( تقريبا 10 طلاب من اصل 30 ) السبب انو في تست بانك الإختبار يجي منه نصيا .. فكان اغلب الطلاب ما يهتموا لمحاضرته الكيمياء : الدكتور: رضا محمد محمدي (مصري) كان شرحه سيء جدا .. وهمه انو يخلص المنهج مو مهم فهمت ولا لا وحتى في فترة الإختبارات كان يشرح دروس حتى لو كان في طالب واحد في الفصل مدة حصته كانت ساعة ونصف .. في نصف ساعة يخلص الدرس ويمشي الطلاب كانت هذي الشعبة جدا سيئة .. في اختبار الميد تيرم طالبين فقط الي جابو 30 وباقي الدرجات اقل من 25 حضرت بعض محاضرات الدكتور ياسر العنقري (سعودي ) ممتاز جدا في الشرح .. وحتى في تعامله مع الطلاب كان متواضع بصراحة كنت اخرج من حصته فاهم الدرس وحسب كلام اصدقائي الي اثق فيهم .. افضل دكتور من ناحية الشرح في الكيمياء هو د. عبد العزيز السباعي .. وشعبته هي افضل شعبة من ناحية الدرجات ... انصح كل الطلاب يروحوا عنده الإنجليزي : ما تفرق أي دكتور يدرسك .. وحتى لو قلت اسماء الدكاترة الي درسوني .. يمكن يتغيروا هذي السنة لكن حاول انو الدكاترة الي يدرسوك يكون الأكسنت حقهم بريطانية وليس امريكية .. لانو المنهج الي حتدرسوه بريطاني واذا كنت من الأشخاص الي ما يفهموا الإنجليزي السريع حاول تروح عند دكاترة عرب .. لانهم يراعوا الطلاب وفي بعض دكاترة الإنجليزي من شرق اسيا .. بعض الأشخاص ممكن ما يفهمو كلامهم فحاول تنقل من عندهم..