[شمس العالم]

المشاركة الأصلية كتبت بواسطة لياانو يحضرلك الخير يارب الله يسعدك ياشمس العالم ويجبر بخاطرك بس حبيبتي والله انو جاني رعب وقلق واكتئاب ليش كل دا التعقيد انا بصراحه لما حددت يوم الامتحان المسار مااتوقعت الموضوع جدي مره وكتبت اي شي قلت دي بدايه قبل القبول واكيد بعدين لما انقبل حيكون فيه اجراءات لتحديد المسار ليش مايرضو يغيرو مسار التخصص والله الدمعه في عيني طيب انت بتقولي انسى اني اغيرو اذا وافقوا اني اغير المسار حيكرهوني في الماستر ليش ايش اللي حيسوه ؟ 1-واذا انا حابه اغير المسار ايش الاجراءات اللي اسويها وهل ابدا من دحين او مع بدايه الدراسه ؟ ياريت تفيديني ياعسل 2- وبما انك مايكرو ياريت تفيدينا كيف الدراسه وكيف شغل المعمل وايش الصعوبه اللي فيها؟ جزاك الله عننا خير الجزاء

بصراحة اللي سمعتوا وشفته من طالبات بدهم يحولوا من وراثة لحيوان والعكس .. ما وافقولهم .. و عشان يصرفوهم باي طريقه .. قالولهم جيبوا موافقه من رئيس القسم و الشؤوون الاكاديمية و الدكتورة المسؤولة عن الماستر والاستاذة المؤولة عن الجداول .. وبعد معاناة عشان تتوقع الورقة من دا كلو .. مااعرف التفاصيل ايش اللي صار اكتر .. لكن الطالبتين اللي اعرفهم كل وحدة جالسه مكان ما هي .. ماتغير شي وخلصوا الترم و لا حس ولا خبر .. ونسيوا الموضوع عشان لا يوجعهم قلبهم اكتر ..
لكن والله اعلم لو من اول الترم تزني على المسؤولة .. احتمال توافق لو مافي ضغط مسبق على القسم اللي تبغيه .. والله كريم .. مافي شي مستحيل على ربنا حتى لو خلوه مستحيل ..

انا مساري بكتيريا ادرس نظري فقط مافي معامل .. ومواد درستها في البكلوريوس ودحين اعيدها وما احس فيها صعوبة صراحة ..

محاضرات .. ابحاث .. يعني تعاملي على اساس انك درستي بكلوريوس و هنا فقط تزودي معلوماتك ..


وانا في السليمانية .. مو الفيصلية