[مصره على قراري]

>وش رايكم اغير اسلوبي في الردود ولاانا كذا تماااام؟؟؟<
سؤال جنني صراحه ما اعرف اخبي ولا في شي يجبرني اخبي

توضيح للي ممكن يكون فاهم غلط:
انا بالعموم عفويه واي شي احسه اكتبه
يعني الرد على اي عضو او عضوه
هوا رد وليد اللحظه فقط وما يتجاوز هذا الحد
ويمكن المشكله اني امزح كثير
والبعض ممكن يحس دمي ثقيل
بس انا كذا بالحياه
طول الوقت اضحك واتريق واعلق
حتى على نفسي
وحتى صوت ضخكتي بالنسبه للي حولي
يعني (انا)
صحباتي طول الوقت يقولون:مريم يعني ضحكه ^^
مستحيل يمر يوم ما يسمعون ضحكتي
حتى لما اكون زعلانه وابكي
اقل موقف ممكن يضحكني
وممكن انسى كل السالفه
واجلس اضحك على الموقف
ولا كأن شي صار<<طفووووله ^^
يعني اسلوب مزح والله
ولا يهمني ابدا انوا ممكن انفهم غلط
امزح وبس ^^
على كل حال...
اعتذر من كل عضو او عضوه
علقت عليه او ثقلت دم عليه
او رفعت ضغطه من غير ما ادري
واعتذر كمان على هدار الذوق العام
بتعليقاتي وردودي الي ممكن تكون سخيفه
ومو في محلها احيانا
وحابه اوضح كمان انوا انا احترم الجميع

ومو معناته علقت على شي او(حشيت) شخص
اني نزلت من قدره
لا والله
كل السااااااااااااااااااااااااااالفه((مزح))
ويارب محد يكون زعل مني
ويكون الكل محترمني ومو فاهمني غلط

بحاول ارتقي بأسلوبي
لعل وعسى احسن من صورتي اكثر

~~~~~~~~~~~~~~~~~~~~~~~~~

اليوم الشخص رقم(5) الي ينتقد اسلوبي
وكل واحد كان له وجهت نظره
لكن المغزى معروف
اقنعت 3 وفهموا قصدي وصاروا يتقبلون الاسلوب اكثر ومنهم من تبناه وطبقه
وباقيلي 2 مو مقتنعين
بس هذا مو دليل اني غلط
بس مو غلط اجرب رايهم لأسبوع على الاقل
واشوف النتائج
(مدري ليه عندي احساس انوا محد رح يعرفني الاسبوع ذا)<<اقصد لما ابطل مزح واتعامل بجديه
بس بجرب مو خسرانه شي

في ملاحظه:
الخمس اشخاص الي انتقدوا اسلوبي<<يعني نصحوني اغيره
ما يعرفوني كويس
يعني مو من اهلي او صحباتي الي يعرفوني شخصيا او اساتذتي
بالعكس كل ذول عاجبهم اسلوبي
ومو متخيلين اني اتنازل عنه
وحابيني كذا من غير اي تغير


لكن بعد شتات كبير
بين التغير او البقاء على الحال
اتصلت على ريم, مرايتي ,ومن اعز صديقاتي
اكثر من 9 سنوات واحنا نعرف بعض
صحيتها من النوم يا حرام<<حزنتني والله^^
وقلتلها السالفه
وردت علي
(انتي مو غلط ولا تحاولين تتصنعين زي مو مجبوره تتقبلين الاعضاء و وجهات نظرهم واسلوبهم الي احيانا يضايقك وتعطين كل واحد عذر وتحاولين تعطينهم مساحه من الاخذ والرد هما كمان لازم يتقبلونك كذا ولا اسهل مافيها اسحبي على المنتدى بكبره هو اساسا مو قائم عليك وفيك ومن غيرك رح يمشي من جد قوات عين بعد التعب الي تعبتيه كمان يعلقون على اسلوبك لا سلامات)<<تم تنقيح الرد البنت (شمريه) واللهجه صعب تنفهم فرفقن بمن يمر على المدونه<<مين يا حسره هههه
كتبت بلهجه مفهومه
هههههههههههههههههههههههه
كل صحباتي بلا استثناء يعتبرون لهجتهم(هويه)
وانا كمان احب اللهجه النجديه مره واتكلم فيها بكل مكان ومو مهم تنفهم ولا لا المهم اني ما ضيعت اللهجه<<الدكاتره في الجامعه يسموني انا وريم (لوحات شعبيه) هههههههههه

بعد تلفون ريم قررت اجرب الاسلوب الرسمي مع الكل
واشوف النتائج مو لشك بسوء اسلوبي
بس عشان اعطي مساحه لعقلي يخوض في وجهة النظر الاخر
واي طاقه للحش او القطات والمزح رح اخليها هنا
خلال فترة التجربه
يعني بيني وبين نفسي^^
واذا والله الحال ما عجبني برجع مريم الاولى
امزح واتريق واعلق على الكل

والي مزعله اسلوبي يتحمل الله يعينه
ههههههههههههههههههههه

لكن في وجهة نظر ثانيه تقول انوا
المزح مع الشباب تحديدا مالوا داعي من باب الحرام والحلال
بس لان انا طول وقتي مع اخواني الشباب
وتقريبا تربيتهم فما عندي اي مشكله
بالتعامل مع اي رجل واحشه واتريق عليه لو تطلب الامر<<اقصد لو يستاهل الحش ههههههههه
مو انوا ما استحي بالعكس مررررررررره استحي
وصوتي واطي لما اتكلم مع اي رجال اجنبي
وحتى لما اعصب بالتصوير استاذ احمد ما يعرف الا لو انكسر شي<<لاني لما اتوتر اي شي بأيدي يطيح
يامى اكواب دمرتها في اندلسيه <<خسرت الرجال هههههههههههه
لكن عادي ممكن اناقش احاور ولو مزح معي ممكن امزح عادي
بس بشكل عام المزحه انا اقفلها من عندي يعني ما اعطي مجال لأحد يصيع علي ويسوي نفسه (اللمبي) على غفله
واني انا الفله واقطع من الضحك <<معصي ههههههه
لكن اسلوبي بالمزح مع الاعضاء في المنتدى ممكن يكون شوي اكثر بحكم انوا احنا بعالم افتراضي
وما بينا تواصل مباشر
بس بالاخر والله ما اقصد شي
مزحه قابلتها مزحه
وانتهت السالفه
ليه التأويل والتفسير
والفهم الخاطئ
؟؟؟؟؟؟؟؟؟؟؟؟؟؟؟؟؟؟
من جد عالم غريبه
بشكل عام نيتي والحمد الله سليمه
والمقصد من ردودي مزح مو اكثر
~~~~~~~~~~~~~~~~~~~~
الغريب انوا حتى العفويه صارت تتفسر غلط
نجرب الرسميه مع الكل ونشوف اخرتها
رغم اني ناويه على بداية الدراسه اترك المنتدى<<يا ويلي من رورو هههههههه
فأتمنى اترك ذكرى حلو عند الكل
مع اني ما ابغى اختم ايامي هنا بأسلوب رسمي وجاف<<للحين مو مقتعه صراحه^^
بس مجبوره اجرب هذا الأسلوب فتره لحد ما تثبت صحته عشان
ما اندم اني سمعة نصيحه وما طبقتها

يا ناس شفتوا احد زي ؟؟؟؟
بصراحه ما اتوقع
هههههههههههههههه
على قولت ابوي
(انتي من هالزمن بس مو له)<<دايما يقولها هههه
ومحمد اخوي لو رضى علي
يقول(انتي خساره فينا صراحه ما نستاهل تكونين اختنا المفروض على نذالتنا هذي تكون اختنا (هيا شعيبي))
<<ما يطيقها محمد يحس دمها سم
هههههههههههههههههههههههههههههه
مدحت نفسي مره
بس بالاخر حابه نفسي وراضيه عنها
ومبسوطه من حياتي
واهم شي............
حاسه اني غيررررر
ممكن محد في الدنيا داري عني
ولا معطيني وجه اساسا
بس برضوا مو مهم
اقل شي لما اجلس مع نفسي
احس اني غير عن الكل
تفكيري -اسلوبي-تفاعلي مع الامور- اهتماماتي -كل شي <<مو ضروري اكون كويسه وصح
ويمكن في ملاين احسن مني وانا جنبهم صفر على الشمال
بس بالمختصر انا(غير)<<على الاقل من وجهة نظري انا
^_^