[Majed7]

المشاركة الأصلية كتبت بواسطة lelou أول حاجة ترى أنا متجننة على صورة kakarot تهبل ممكن أسرقها<< حرامية مؤدبة تستئذن قبل لا تسرق.. يب خذيها من غير استئذان عادي .:) ثاني حاجة بصراحة إلى حد ما أقنعتني كنت أشوف الموضوع بالنسبة ليا مرفوض بنسبة 90% صار بنسبة 70%<< كثر الله خيرك.. هيا القناعة هذيـ لازم تكونـ موجودة لأن الواقع اختلف .. صار فيه احتكاك بين الجنسين في كل مكان وخاصة النت فـ أكيد راح نشوف محاولات زواج سببها تعارف مسبق المهم أنا كان سبب رفضي له عدة محاور: أول حاجة أنه أنا مستحيل تجيني الجرأة أقول لبابا شي زي كدا لانه لو شك فيا بصراحة ما ألومه لأنه اللي نسمعه من بلاوي الأيام هذي مو قليل.. أغلب الآباء - يمكن كلهم - ما راح يتقبلوا الفكرة .. وممكن الولد ياخذ رقم أبوكيـ ولا أخوكيـ الكبير ويكلمه بنفسه ويقوله كيف عرفك وإنه حاب يجي هوا وأهله ويخطبونـك منه " طبعا ما أتكلم عنك لكن للتوضيع ^_^ " أو ممكن أخته تكلم أختك ولا خالتك ويتعارفوا على بعض ويكونـ هوا متقدم على أساس معرفة أخته بأختك - أعيد الكلام مو لكيـ - ثاني شي أنا ما أضمن يجيني في يوم من الأيام ولد الحلال إللي اعجب بيا و اتقدم لي يقول لي إنت زي ما عرفتيني عرفت أحد قبلي و إنت واحدة فيك و يخطيك،، أنا أبغى كل شي يكون في السليم.. لأنه لو قال لي كلمة زي هذي ما أقدر أجلس معاه يوم واحد لأني مستحيل أتخيل عشرة مع شخص يشك فيا.. هذي قضية شرف و أخلاق أنا ما حافظت على عفتي عشان يجي يدنسها زوجي.. مستخيل أتخيل أبو عيالي ((أو حتى أبو عيالي مستقبلا)) يشك فيا مصيبة لو ذبحته و شربت دمه ما يشبعني أصلا ما حاقدر أطالع في وجهه.. هذا يعتمد على الشخص اللي وافقتيـ عليه .. ترا الزوج اللي خطب عن طريق أهله أو اللي خطب عن طريق تعارف مسبق هوا هوا .. والمشاكل تحصل في النوعين :) هذا يعتمد على التعارف اللي يصير بفترة الخطوبة وتشوفينه على حقيقته .. لأنـ الموضوع زواج مو لعب وصدقيني لو كان الانسان اللي تقدم للبنت خلوق ومؤدب ما راح تصير فيه مشاكلـ وبالعكس الناس بيتشجعوا ويبدؤو يتقدموا للبنات بهالطريقة ثالث شي أنه زي ما قلت في ردي إللي أول في ناس كثيرين جدًا شخصياتهم إللي تبان في ردودهم غير شخصياتهم الحقيقية شوف ردي رقم 135.. و زي ما قلت قبل أنا عندي مبدأ: Don't judge a book by its cover و أنا أول واحدة ينطبق عليا هذا المثل.. معاكيـ حق بهالنقطة .. فيه ناس تشوفينه بالمنتدى شيء وبرا شيء ثاني - ونفسـ الكلام عالبنات - وحتى اللي يتقدم لبنت بتشوفينه أحسن واحد - في فترة الخطوبة - وبعد الزواج ينقلب شخص ثاني ( مو الكل ) .! في كل شيء سلبيات وإيجابيات والزواج قسمة ونصيب .. يمكن يكون زواج بالطريقة هذي يكون الزوج والزوجة مرتاحين أكثر من ألف زواج تقليدي ثاني .. ويمكن العكس :) رابع شي في نقطة جدًا مهمة: أنا ما أضمن لو في يوم من الأيام صار لا سمح الله شي بيني و بينه و رحت لأهلي يقولوا لي تستاهلي مو هذا اللي اخترتيه.. كيف أطالب أهلي أنهم يوقفوا معايا أصلا ما اتخيل المنظر أو اللي ممكن يحصل.. ساعتها لو صار و لا سمح الله اتطلقت منه كيف راح تكون نظرة المجتمع ليا اتزوجت واحد كانت تعرفه و اتطلقوا يعني أكيد كانت علاقتهم مو في السليم،، أو تلاقيها طفشت منه اتعرفت على غيره.. ممكن يقولوا طفش منها و اتعرف على غيرها.. معليشـ هوا راح يتقدم لك من أهلك - إنتيـ بتوافقي مثلا - وتبقى الموافقة النهائية لـ أهلك طبعا يعني هما مشتركين معاكيـ بالقرار .. وليه ماخذة الأمور كلها سلبية .. يعني ممكن يتقدم لك أحد ويعطيكيـ مهر 20 ألف مثلا .. وبعدها يقعد يتريق عليكيـ ياللي بـ 20 شوفيـ أخواتيـ على 50 وفوق ( فيه ناس يقولوا كذا ) ولو كل بنت تفكيرها ينحصر في السلبيات كان محد تزوج ^_^ أو بغض النظر أنا راح أسألك سؤال إنت لو سمعت عن بنت زي هذي حتى لو كانت صغيرة و في سن تقدر تتزوجها و ما عندها عيال و مطلقة من زوجها اللي اتعرفت عليه عن طريق منتدى هل راح تقبل إنك تخطبها و بكل سهولة.. أصلا محد بيكونـ عارف إنه تعرف عليها من النت إلا أهله وأهلها والناس المقربين بس .. والموضوع ما راح ينشتر وبيكونـ على إنه تعارف أخت العريس وبأخت العروس مثلا أعتذر على الإطالة،، في النهاية كل واحد له وجهة نظر..

شكرا لك على التعقيب ^_^