بالنسبة لتحليل كلي المادة اغلبها كلام و مسائل قليلة و تعتبر طويلةنوعا ما و يعتمد مع مين تاخديها اغلب البنات يحبو ياخدوها مع د. عبلة انا اخدتها مع ا. حنان الجشعم كان المنهج طويل مره و يحتاج تذاكري اول باول
الرياضي متطلبو تحليل كلي اول كانو بيسمحو تنزلي المادتين مع بعض بس دحين شوية بيعكسو منهج الرياضي حلو و يعتبر بسيط اذا تحبي الرياضيات و دائما بينزل مع د. سوزان و لازم تركزي معاها في المحاضره خصوصا في طرق الحل و الكلام النظري بشكل عام و لما تشرح بعض الجداول لان بتجيب في الاختبار نظري و عليه درجات كتيره
نفط اذا نزل مع د. جوهر لا تترددي الماده مره حلوه تعتبر قليلة مره صح في البداية تحسي نفسك شوية ضايعه ويطلب منكم الدكتور تتابعي نشرات اخبار النفط و كدا بس مره حتستفيدي من الماده ومن اسلوب الدكتور علميا و اقتصاديا يعلمك بعض المبادئ انا صراحة استفدت منو مره كتير عالرغم من انو في البداية مره كنت كارهة المادة و اذا طلب منكم واجب حليه و سلميه في الموعد المحدد بيحسبو بونس و بالنسبة للدرجات هوا شويا دقيق في الدرجات و حقاني مره ما تاخدي الا اللي بتستحقيه
اسلامي مع د. الطاسان المادة مره حلوه تتكلم عن الزكاة و التامين و الوقف النظم الاقتصاديةو التملك في النظم الراس مالي و الاشتراكي و الاسلامي و الدكتور جيد و يساعد في الدرجات و اسئلة اختباراتو في الغالب صح و خطا دقيقة جدا و يحب الخطا مره كتير
تنمية مع د. كوثر الماده طويلة جدا و مملة وكلها كلام
تتكلم عن التنمية في الدول العربية و اسباب التخلف و علاجه و تكتبي في المحاضره مع الدكتوره و الاسئلة من المنهج بس لازم تكوني مذاكرة كويس لان اغلبها صح و خطا مع التعليل و التعليل تشرحي المنهج و رسمة و شرحها