[دافئ الإحساس]

المشاركة الأصلية كتبت بواسطة bint aboha السلام عليكم ورحمه الله وبركاته بالنسبه للإسم الأم فلاحرج بالنسبه للبنات وهذا مااراه لكن بالنسبه للأولاد فإحم إحم تبغوني أفضحكم امزح والله لكن اخواني الصغار مشكله والله وقد مره كلمناهم وقلنالهم عادي يعني مره اخوي الصغير جاء معصب ورمي الأشياء اللي جابها من البقاله وقاعد يقول للأمي حسين اللي ف الحاره قال انا اعرف إسم أختك بيان أصلا انا اعرفها وقد مره شفتها انا فلتها ضحك ماقدرت أمسك نفسي فقلت له عادي اصلا هذا خويي وانا وهوا دايما نخرج مع بعض وعنده رقم جوالي ( زادت الطين بله ) طبعا أخذت كلام زي السم من أمي ع كلامي المسموم كمان بس طبعا كنت أستهبل ع اخويا وقاعد يخاصم قلت له يااخوي انا اقولك إسم اخواته ولو جاك قول له اسمهم طيب قال لي بلهفه ايش اسمهم قلت له حليمه ونهى قال طيب وراح اليوم الثاني البقاله وعيونه فيها الشر ( يالبيه ع الغيره والله حلوه ) المهم قابله وقال له يااخت بيان قال له اخويا يااخت حليمه ونهى الولد عصب ومسك اخويا وقال له والله لو قلت للأحد ف الحاره ياويلك وجاء اخويا معصب مره ثانيه << طالعلي فديت نفسي وقال كل اللي حصل قلت له قول لو مره ثانيه تقول اسم اختي او تقولها قدام اهل الحاره للأقول إسم أمك وطبعا تقابلوا مره ثانيه وقال للأخويا يااخت بيان قال والله للأقول إسم أمك طبعا إلى يومكم هذا ماشفنا غباره << أمي دايما تقول لي لاتحطي راسك براس الصغار موضوع مش ولابد انا اشوفها عادي لكن مو عند الغرباء زي المنتديات مثلا لكن صحباتي والناس اللي اعرفهم لمن يقولولي بنت مين انتي اقول اسم امي تقبل مروري

ههههههههههه

اولا عاشت الاسامي

وثانيا هرجتك ترا مره كآآآي

واخوكي انا مريت بالتجربة دي وانا صغير مرره لكن مو مع اصحابي

مع اقاربي الكبار مره ولا اعرفهم مره كمان

ومع اصحاب ابويا

ويقيهروني وانا اسوي نفسي ما انقهر وانا نفسي مدري اش اسوي فيهم

واقول لابويا في ادنو يقولو اسم ماما

يضحك ويقولي عادي

>>>هههههههههه

بس دحين عادي ومره عادي كمان وافتخر باسم امي العزيزة

الله يطولي في عمرها يارب