وعليكم السلام ورحمة الله وبركاته
مساءك نور
اذا كنت داخلة عن رغبة
ان شاء الله حتمشي كويس...حتى لو انه صعب
تخصصات الحاسب تحتاج منك لغة انجليزية كويسة...بس مو شرط تكون مرررة ممتازة...مستوى جيد او جيد جداً ممكن يمشيك
لكن كل ما كانت لغتك احسن..حتسهل عليك المذاكرة والفهم
حيحتاج منك كمان وقت كثير...الدراسة والمذاكرة وحل الواجبات والمشاريع تأخذ وقت كثير
واحيانا يصير ضغط انه كل المواد يطلبوا واجبات او مشاريع في نفس الوقت
يعني اللعب الزايد محا ينفعك ابدا
وفي الاترام الاخيرة تقريبا حتحتاجي تجلسي على الكمبيوتر فترات طويلة...بس جلست شغل مو لعب :)
وامكن كمان شي مطلوب انك تكوني مرنة شوية في التعامل مع مختلف شخصيات البنات
لأنه كثير واجبات او مشاريع حيكون العمل فيها جماعي
فلازم ما يكون عندك مشكلة في العمل الجماعي
بالنسبة للتخصصات الموجودة
مثل ما ذكر الاخ سايلنت هيل 3 تخصصات
واذا تبغي تعرفي معلومات اكثر عنها شوفي الملفات الموجودة في الموضوع هذا
http://www.skaau.com/vb/showthread.php?t=17780
واخر شي اقولك هو اهم شي... صلي ركعتين واستخيري الله
وربنا يوفقك للخير ان شاء الله
بالتوفيق