[مصره على قراري]

كثير من الي اقابلهم يقولون
(انتي شخصيه محبوبه وتدخلين القلب بسرعه)
وحتى الاشخاص الي اقابلهم لمره وحده ما ينسوني مهما مر الوقت
وهذا الحمد الله شي كويس
بس انا اخاف من هالشي...
دايما أسئل نفسي (هل فعلا استحق اني اكون محبوبه انا استاهل هذا الشي ؟؟)
ويبقى معي هذا السؤال بكل مكان اروحه ويستقبلوني فيه استقبال كويس
ياترى استحق ولا ولا؟؟؟
بس للأسف ما جاوبتني نفسي
وما اثق بأجابات الي حولي
...................................
بس مره سألت ابوي
وقلتله:يوبه انا استاهل ان الناس تحبني؟؟؟
قالي:الناس الي تحبينهم يستاهلون هالحب؟؟؟
وفكرت كثير بسؤاله
وقلت اكيد
انا احبك انت
واخواني وخواتي
وصحباتي
واساتذتي
واحب ناس كثير
وما حبيتهم الا لأنهم يستاهلون
وانا مو مجبوره احب احد ما يستاهل
قالي:انتي قلتيها
مو مجبوره تحبين احد ما يستاهل
والناس الي تحبك بعد مو مجبوره
ولو ما شافت فيك شي يستاهل ينحب
ما كان حبتك
والمحبه من الله في ناس سبحان الله تدخل القلب
من غير جهد وينشرح لها صدرك
حتى لو كانوا اشخاص بسيطين
وفي ناس لو تجلس عمرها كله تحاول تكسب قلب شخص واحد ما تقدر
اقتنعت برده....
بس قلقت من شي ثاني
ليكون كل الي يصير معي مجامله مو اكثر؟؟؟
والمجاملين كثاااار...........

بس مع الوقت
اقتنعت بأن المجامله ما تضرني
وكذا ولا كذا انا ما اعرف ايش الي داخل قلوب الناس
فسواء كلامهم من قلبهم او مجامله انا ما اقدر احدد هذا الشي
والمُجامل الايام هي الي بتكشفه
فليش اتعب نفسي
وافكر هذي الناس تجاملني ولا فعلا صادقه
بما اني في كلا الحالتين اتعامل معامله كوبسه

بس بالاخر اتمنى اني اكون شخصيه محبوبه
واترك ذكرى طيبه عند الكل
وكل الي يمر على اسمي يبسم ويدعلي بالخير
هذا اهم شي~~~