رد: ~~شتات~~مُصره..
صارت معي سالفه غريبه
بس مو مهمه السالفه ...
الاهم الكلام الي قاله ابوي
(انتي لمتى الناس تسهلكك وانتي مو حاسه)
يقصد لمتى بسمع مشاكل غيري واغرق بحلها
لمتى اهتم بحياتهم واحداثها وانسى انوا لي حياه واحداث
لمتى كل من تضايق او احتاج شي مسك تلفونه وكلمني
واذا تعذرت بأي شي حتى لو كان مهم ما يلتمسولي العذر
متعودين علي كذا
دايما تحت الطلب
اول مره ابوي يعاملني بحده كذا
ويوجه كلام صارم وصريح
بالعاده يتعب عشان يصيغ كلامه بأسلوب ما يضايقني
بس الغريب هل فعلا انا صرت(مستهلكه)
والكل صار يرمي حمله علي ومتوقع اني بشيله
؟؟؟؟
فكرت كثير واكتشفت انوا فعلا كلامه صح
لكن الأغرب اني على قد ما اسمع لغيري
واعطيهم اراء
ولا مره فكرت اشكيلهم او استشيرهم
يمكن مع تفاصيلهم نسيت اني مثلهم ولي تفاصيل
حتى لما اضحك او امزح اكتشفت اني في اغلب الاحيان ما اضحك لاني مبسوطه
او فرحانه
اضحك عشان احسن من مود الشخص الي قدامي
حتى اخواني الشباب
لما يسون فيني مقالب اجاريهم واسوي نفسي
ما كنت ادري لمجرد اني ابغى اونسهم<<رغم ان السالفه تطلع براسي دايما^^
هذا ما يلغي اني اعيش حياتي طبيعيه
بس حياتي مليانه بتفاصيل ناس غيري
يعني اي وحده بعمري همها الاول والاخير الدراسه
وتفاصيل حياتها (الجامعه- صحباتها- النت او التلفزيون)
انا حياتي كلها اشخاص وكل شخص له حياه
ومعتبريني جزء من حياته او على الاقل تفصيل صغير من هالحياه
وكل شخص يطالبني بالواجب الي لازم اقدمه بحياته
على اساس احنا صحبات مثلا فمن واجبي (انصحها- أسأل عنها- اسايرها- اتحمل مزاجها)
ولو كانوا هالاشخاص معي في الشغل من واجبي(اغطي عليهم- اشيل جزء من شغلهم من باب الزماله- احاول اصلح اي خطاء يسونه )للأنا زملاء
يعني كل شخص يطلب حقه مني
وعلى هذا الحال فعلا اصبحت((مستهلكله))
الكل يستخدمني
ما ادري هذا الشي هو عيب مني او من الناس الي ما تصدق تشوف شخص كويس وتستغله
يعني هالشي استغلال ولا مجرد تقاطعات حياه ولازم تصير
يعني منطقي انوا يومي كله لناس ولا اذكر نفسي او اهلي الا لما احط راسي على المخده
الي نبهني عليه ابوي وفعلا هذا الشي حاصل
قالي ما تلاحظين
(ان كل كتاباتك عن نفسك وعنا لكن كلامك كله عن الناس)
لان الكتابه تريحني فأحاول اعوض فيها الشي الي فعلا مشتاقتله
..........
بالاخر انا مو لوحدي والي يحبوني كثار
والي يتمونون يسمعولي اكثر
لكن انا ما تعودت اتكلم
الا لشخص واحد بس...
فمو معطيه مجال حتى لنفسي اني اتكلم
لاني فعلا مشغوله بالناس
وقصرت بحق اقرب الناس لي
عشان غيري
بصراحه تعبت من الناااااااااااااااس
فعلا احتاج جرعة هدوء....
محتاجه اتوازن واعطي نفسي حقها
.....
نفسي انفصل تماما عن الناس على الاقل
اسبوع وابقى مع اهلي وبس
.....
|