[Dr~NanoOok]

المشاركة الأصلية كتبت بواسطة razan kharraz تسلمي د.نانوك عالموضوع والله حمستيييييييييني تبدأ السنة هههههه بنت خالتي خريجة سعود وصراحة وترتني تقول ندمت انها دخلت الأسنان -______- بس ماما د.أسنان ومرة تقول يحمس وأحلى من البشري والله أنا أول كنت مرررررة محتارة أدرس بزنس ولا أسنان << فرق شااسع خخخ ودحين محتااااااارة أدرس أسنان في عبدالعزيز ولا في الشارقة فحكيني بليييز كيف الكلية ؟ وتعامل الدكاترة ؟ والله كرهت كم شي بعد التحضيري الله لا يعيدها هع

سيبيكي من كلام اللي يقولك شي مو حلو .. امكن تجربة شخصية ومو شرط تمّري بنفس اللي مرت بيه
<< عندي صديقتي بجامعة سعود.. وبتحكيني عن نظامهم وكده.. أشوفه مره أصعب مننا
غير انهم بياخدوا 12 مادة في الترم !
احنا عندنا ناخد 10 مواد وحاسين عيوننا بتطلع فكيف 12 !
الله يكون في عونهم

وخليكي على كلام مامتك الله يخليلك هيا ^_^

~

الدراسة بالشارقة ما أقدر أفتيكِ فيها لأنه ما عندي أي معلومة عن دراستهم وعن الكلية نفسها

بالنسبة لكليتنا ..

الشؤون عندنا والادارة .. قمـــــــــــــــــــــــــة في كل شي
في التعامل .. في الاهتمام بالطالبات.. في التعاون والاحترام
يحسسوكي قد ايش انتِ مهمة بالنسالبهم ويحبوكي ! من جد بتكلم

حتى أغلب الكليات التانية بيحسدونا على كليتنا وتعاملهم .. ربي يخليهم ويحفظهم لنا


حتى الدكاترة.. مررره كويسين وتعاملهم حلو.. مستعدين يعيدوا الشرح لك الين تفهمي ولا يتذمروا من كده
حتى الدكاترة اللي ما كننا نفهم منهم كويس.. كنا نروح عند دكتور ثاني ونقوله يعملنا تلخيص سريع للجزئية عشان نفهمها
وفعلا ما بيقصروا وبيعملولنا كده مع انهم مو ملزمين يعيدوا شرح جزئية دكتور ثاني ابدا