[kfupm.20]

المشاركة الأصلية كتبت بواسطة rhf احم انا طبعن بنت * حتى وإن كنت بنت فرأيك يهمنا كثيرا بس الا مواضيع الجواز ما افوتها * ===== 1- هل أنت مع أو ضد الزواج المبكر؟ مع ذكر السبب؟ انا مع و بقوة كمان ليه ؟ عشان ممممم انا فعلن اتمنا انو يكون عندي اطفال ، ويكبرو قدامي ، وألين يكبرو اشوفهم في الجامعة واشوف بزورتهم ، ما اكون عجوزة فهيت ما سرت ادري عن الدونيا :) 2- ما هو السن المناسب في نطركم لزواج الرجل من المرأة والمرأة من الرجل؟ ،، البنت من 18 ،، والولد وقت يخلص دراستو ، او يكون عندو شغلو الخاص ، وفي نفس الوقت يكمل دراستو اما بالنسبة للفرق في العمر بينهم ، دي حرية شخصية ، بس تقريبن الولد يكون اكبر من البنت ب 3 سنوات 3- هل الزواج يساعد على تحسين التحصيل العلمي أم العكس؟ ممممممم على حسب ، احنا الوالد بعد ما اتجوز كمل دراستو ،، و بالمقابل في ناس بعد ما يتجوزو ما يقدرو يكملو دراسة ، بالزات الحريم اللي ينشغلو بالنونو ، وتفقد العزيمة انها تكمل دراستها مع التعب و الكرف في البيت :( وبرضو دا يعتمد عالشخص لانو في كتير حريم متجوزين و عندهم بزورة وبيكملو دراسة ، و بعضهم يروحو الجامعة انتظام وهم حوامل :) 4- هل يشكل تفاوت المستوى التعليمي عائقا في التفاهم بين الزوجين؟ بالنسبة ليا ، انا اتمنا يعني اني اتجوز واحد جامعي ، لاكن مو شرط ، يعني لو كان تعليمو حاجة تانية بس شغلو كويس ، مايمنع ، لاكن العائق اكتر شي يكون من الرجل ، العادة الرجال يحبو يكونو الاحسن ، ويضايقو لمن الحرمة تكون احسن منهم و بالزات لو الحرمة دي كانت مرتو ، ويشوفها احسن منو في الدراسة و الشغل ، حتسير مشاكل كتير ( من واقع عايشتو باقول كدا ) 5- هل الزواج في الحقيقة يقيد الزوج ويجعله ليس حرا؟ هههههههههه دا عنكم انتو الرجال ،، ازا كان اعتبار المسؤولية تقييد هادي حاجة تانية :) ما اعتقد حيتغير شي بعد الجواز ،، يعني حاحرم جوزي يشوف اصحابو مسلن ؟ هو حر !! وبالنسبة لاشغال البيت و كدا ، هو في كل الحالات ، معايا او مع اهلو ، كان بيخدمهم صح ؟ يعني المسؤولية ماهي حاجة جديدة عليه ، // اتقبل مروري ، رااهاااف ،، // ممم باسألك ، ايش اسمك ؟ مني عارفة ايش مكتوب شايفة حروف ملخبطة * ههههههههههههه اسمي هو إختصار لـ جامعة الملك فهد للبترول والمعادن باللغة الإنجليزية

أشكرك من أعماق قلبي على مرورك العطر والجميل تحياتي لسموك