[dr-nano alahdal]

المشاركة الأصلية كتبت بواسطة تركي4444 السلام عليكم صبحكم الله بالخير جميعا وان شاء الله تكونو مبسوطين مع الاجازة انا عندي شي يدور في بالي حول تخصص الفارم دي وماحصلت له تفسير مقنع مافائدة تخصصنا اذا كان الطبيب على مدار الزمن هو من يحدد الدواء المناسب ليأخذه المريض ويحدد الادوية اللي تتعارض مع الدواء المصروف اللي ابغى افهمه يعني هل تخصصنا ثانوي والطبيب هو اللي بيكون الاساس بما انه يقدر يشتغل شغلنا واذا ماكان كذلك كيف الطبيب يعرف الدواء المناسب اللي لازم يعطى للمريض مع انو هذا الشي من اختصاص الدكتورالصيدلي االمتخرج بشهادة الفارم دي ياليت تجاوبوني لاني انا صراحة احب الصيدلة ومقتنع بها لكن هذا الشي هو اللي ماني محصل له تفسير طبيعي وبس سامحوني عالاطالة عطشت من كثر الكلام والله يلا تصبحون على خير

دكتور تركي
بس في بلدنا هنا الدكتور كل شئ وهذا نتيجة إنو كلية الطب قديييييييييييمة
وعمر كلية الصيدلة في جامعة الملك عبدالعزيز ياأخي العزيز 9 سنوات فقط
وما كان فيه كلية الصيدلة الا في الرياض وما كان قسم معروف
والمتخرجين مرررررررررررررررررررررة قليل
فأكيد هتكون الصدارة للطبيب انو يغطي دورنا
لأنو إحنا محنى موجودين
جزاهم الله خير الدكاترة حاولو يغطو واحنا مو موجودين لكن اليوم إحنا جينا
أكيد هنواجه عدم تقبل بس إحنا اختفينا سنييييييييين فأكيد لازم نتعب شويا
دكتور تعاني كليتنا من نقص شديد في أعضاء هيئة التدريس لدرجة انك ماهتلاقي الا 2 من الدكاترة فقط سعوديين والباقي أجانب
الشئ الجميل أنو كليتنا تستنى بفارغ الصبر الطلاب إللي اتخرجو منها وابتعثوا عشان يرجعوا ويغطو النقص
الهيئة السعودية للتخصصات الصحية
بتتناقش حول موضوع الصيدلي ولسا بيتضاربو مع بعض عشان يشوفو احنا ايش نهايتنا
العجيب والمضحك في الأمر إني لو أبغى أعرف كل دي الأجوبة عرفتها بسهولة
ولكن تفكيري بقولي
إني لو كنت طالعة مكة ومسكت الخط السريع وأنا في بدايتو وكان فيه مضاربة كبيييير عند حدود الحرم والطرييق زحمة ومتعطل وشغلة
طيب أنا في بداية الطريق وعرفت إنو فيه مشكلة لو شغلت بالي فيها هتهزني وتخليني ممكن ألف و أرجع مع اني مسكت الطريق أو أجنب وأتأخر فهشوش نفسي
مع إني لو حسبتها هلاقي اني عبال لا أوصل هتكون اتحلت المشكلة وكل واحد راح في حالو
وأنا أشوف إنو هذا وضع كليتنا إلى الآن هما في جدال وأشياء كثير مو واضحة مبهمه
لكن يكفيني أعرف إني بعد أربع سنين بإذن الله هتكون إتحلت المشكلة وانو مستقبلها بإذن الله قوي لأنو إحنا نادريييييييييييييين ومهمييييييين
طيب ليش أشغل بالي وأفهم مشاكلهم وتأثر فيا وتخليني اتردد
انا هأمشي مشواري الين لمن أوصل بإذن الله
وأنا عارفة ومتأكدة لأني شايفة الصيدلة كل يوم بتتطور وبتتحسن
ما أدري أنا كذا أفكر مع اني لو ابغى شئ مجرد فتحت باب الغرفة عرفت كل الأجوبة
بس نصيحة من أخت لا تشغل بالك
اليوم هما متلخبطين ومقربعين الدنيا لا تتعب نفسك تفهم مشاكلهم على الفاضي وانت المتضرر
دامك عاشق الكلية وتحبها امشي طريقك ولا يهمك أي شئ تاني وخليك مرن ومتقبل للأفكار الجديد لأنك في يوم هتكون صاحب واحدة من دي الأفكار
لانو احنا مستقبل دي الكلية
إن شاءالله تستفيدو من كلامي
انا اشوف هذا الجواب لكل الأسئلة
ههههههههههههههههههه
بالنسبة ليا طبعا
بالتوفيق للجميع