...........................................
شف دمعتي تنتحر لـمواصلك يا بعدي
من كل دمعه معي لهفه تسلم عليك
من عيني اللي ذبحها بعدك السرمدي
ومن قلبي اللي يبيع العالم و يشتريك
يا أجمل صدف عمري الهجران ذكره ردي
لا تغيب و تطول الغيبة و أنا محتريك
تروي ظمأ قلبي أطلالة ثغرك الندي
سكنت قلبي ولا لك فـ الحنايا شريك
يا طول ليلي ما بين دلالي و مسندي
مشتاقه أيديني الثنتين ضمة أيديك
تعال بموت فـ ايدك وأنت موت بيدي
الموت لذه ما دام الموت منك وفيك
غلاك مهره ثمينه للملوك تعدي
تهز عرش الملوك ويهتويها المليك
يا سيد العشق لا ياطول الهجر يا بعدي
ترى عيوني من اللهفه تسلم عليك
...........................................
كلمـات:-حمـدان بن محمـد بن راشد آل مكتوم (( فـزاع ))
...........................................