[مصره على قراري]

الله يرجك يا دكتور عبد الله القاسم
قلتلك عندي اجازه اسبوع وحالتي ما تسمح اداوم
قلت مالي شغل تجين اليوم تسجلين اسمك في التطبيق
قلنا ماشي
رحت وياليتني مارحت
اول ما شافني عند باب الكليه
قال:
(قيم اوفر) انتهى الإلتحاق بالتطبيق في السعودي الألماني شوفيلك
اي مستشفى حكومي
.
.
سلامات انا وحده من بناتك الصغار تلعب معها اتاري
وشو (قيم اوفر)

اه لوتشوفون شكله
الضحكه شاقه وجه شق
كأنه فرحان اني مالحقت
عاد انا ما سكت
قلتله: يادكتور انا الأولى على الدفعه واكثر وحده استحق التطبيق في السعودي الألماني
قال: والله لو كنتي الأولى على المملكه متأخره على وقت التسجيل اكثر من ساعه
والنظام يقبل بالأولويه
و واسطه انسيها مالك امل

وبعدين وش وراك خلي التطبيق الترم الجاي
انا لما كنت بعمرك سويت كذا..........وقام يسرد قصة حياته وكفاحه عشان يصير دكتور
وانا فقلبي اقول(لايكثر لولا الفشله كان ولعت فيك وخليتك عبره لكل دكاترة الكليه)
اجل جايبني زي المجنونه للكليه وانا امس اقوله طايحه على رجلي ومقدر امشي
واخرتها يعطيني محاضره عن سيرته الذاتيه العطره
.
.
.
من جد حاله

رجعت البيت وانا مافي على بالي الا اغنية راشد الماجد(دنيا حظوظ دنيا حظوظ والله رمى حظي معاك)<<عاصفه رمليه

يلا وش اسوي استحمل ترم
خيره ان شاء الله
//