السلام عليكم ورحمه الله وبركاتــه
احببت ان يكون هذا الموضوع موجه للدفعة الجديدة بحكم الاستفسارات بخصوص
البرامج الخاصة بالانظمه وكيفية التعامل معها ...
لست الاولى بطرح هذ الموضوع هناك الكثير هنا من الاخوان والاخوات من قاموا
مشكورين بالشرح والتوضيح الكامل للصورة لكن بحكم وجود دفعة تحتاج هذا الموضوع
من جديد احببت ان اطرحه من جديد هنا بالصفحات الاولى
راجية من الله ان يكون خالص لوجهه الكريم وان يكون ارشاد توضيحي
لكل من لم تتضح لهم الصورة
طريقه تحميل برامج السنترا وكيفيه الدخول على المحاضرات
وبرامج السنترا هي 3 برامج : الجافا ومشغل السنترا ومشغل الفلاش .
وطريقه التحميل خطوه بخطوه كالتــالي :
1 / ندخل على الرابـــط التالي :
تلقــون الجدول مكتوب فيه التالــي :
تحميل البرامج الـ 3
نبتدي نحمل برنامج برنامج عشان مايصير ضغط وياخذ وقت اطول .
نحمل برنامج الجافا ،،،، نختار كلمه : إضعط هنا
بعدها تفتح لكم صفحه الجافا :
نضعط على المربع الأحمر الصغير :
تفتح لكم صفحه ثانيه ونلقى مربع احمر ثاني صغير ونضغط عليه :
بعدها يظهر لكم مربع حوار ،،،، نختار كلمه حفــظ عشان يثبت البرنامج على الجهاز ،، ويفُضل حفظ البرنامج على سطح المكتب .
ويحمل البرنامج عندكم بسرعه ،، ونغلق مربع الحوار ونرووح على سطح المكتب ونلقــى البرنامج محفوظ ومثبت بأســم setup.
خلصنا برنامج الجافا.
نرجع على نفس الموقع
ونحمل برنامج مشغل السنترا
ونختار كلمه إضغط هنا .
على طول يظهر لكم مربع حوار كالتــالي ونختار كلمـه حفظ ،،
بياخذ وقت منكم حوالي 6 او 7 دقايق ونحفظ البرنامج على سطح المكتب . بعد مايخلص التحميل نروح على سطح المكتب ونلقــى البرنامج محفوظ على شكل
مجلد مضغوط << بشكل كُتب ملونه
نضغط على المجلد كليلك يمين ونختار من ضمن الخيارات
<< إستخراج ملف >>
إنتبهوا لا تختارون كلمه إستخراج ملفــاااات .
واللي عندهم بالانجليزي تلقونها مكتوبه بأســم Extract Here .
بيظهــر لكم على سطح المكتب صندوق رمادي مكتوب عليه setup ،،
نضغط عليه مرتين يظهر مربع حوار نختار كلمه next
بعدها كلمه yes
بعدها next
واخر شي finish
وبالنسبه لبرنامج مشغل الفلاش مثل ماقلت لكم ،، يحتاجونه فقط اللي نوع الانتساب عندهم تعليم عن بُعــد .
طبعاً بنفس الخطوات مافي شي جديد .
انتهيـــنا من تحميل البرامج
الحين نجي على فحص النظــأم عشان نتأكد من تحميل البرامج بشكل صحيح ومايكون في مشاكل اثناء المحاضرات .
سهله وماتاخذ منكم وقت طويل والطريقه كالتــالي :
1/ موقع الجامعه >> الخدمات الألكترونيه >> نظام الفصول الأفتراضيه centra .
2/ بعدها تفتح لكم صفحه السنترا أختار من الشريط اللي فوق لونه اسود كلمــه << فحص النظام
تطلع لكم صفحه وبأخر الصفحه اختارو كلمه start
بعدها الصفحه الثانيه وانزلوا تحت تلقون مكتوب كلمه continueاضغطوا عليها
ونفس الشي الصفحه الثانيه مكتوبه نفس الكلمه بعد اضغطوا على continuo
بعدها تطلع لكم صفحه مكتوب عليها العباره هذي :
فحص النظام
الإعداد للقيام بالتحميل . برجاء الأنتظار
إذا لم يبدأ الأعداد بعد دقيقه أنقر فوق هذا الرابط إعداد centra7
بنفس الوقت يطلع لك مربع حوار اختار منه كلمـه RUN
ويحمل قدامكم شريط بياخذ منكم وقت بس خلوووه يحمل لاتستعجلون عليه .
بعدها صفحه ثانيه اختاروا كلمه continuo
ثم يطلع لكم مربع حوار عليه صور المايك والسماعات أنتم اختارو كلمه Next
تطلع صفحه ضبطوا فيها معيار الصوت مابين العالي والواطي واختاروا كلمه Next
وبعدها كلمه finish
واخر صفحه اختاروا كلمه Exit .
إنتهيا من تحميل البرامج وفحص النظــام .
بعدهــا
أرجعوا على صفحه السنترا ودخلوا الرقم الجامعي والسري
ملاحظه /
الرقم الجامعي أنتم طبعاً عارفينه اللي مكتوب في بطاقاتكم الجامعيه
الرقم السري : هو نفسه رقم الهويه الوطنيه اللي مكتوبه في بطاقاتكم بس شيـلوا أول رقم اللي هو رقم 1 وكملوا باقي أرقامكم
مثلاً / 1054865273 >>> أنتم أكتبوا الرقم بدون الرقم 1
يعني : 054865273
معلومه ثانيه لحفظ المحاضرات :
قبل وقت المحاضره ماتقدرون تدخلون ابداً الا قبل ماتبتدي بـ 15 دقيقه
قدام كل محاضره واسمها ورمزها تلقون مكتوب قدامها كلمتين :
حضور ـ تصفح المحتوى .
حضور : طبعاً واضحه تدخلون المحاضره
تصفح المحتوى : هذي لو تضغطون عليها تلقون فيها كل بيانات المحاضره ،،
يعني اسم الماده ورمزها واسم الأستاذ او الدكتور المحاضر لكم
وتلقى بعد جدول الأعمال ،، هذي بتلقون فيها شرايح العرض اللي بيشرح لكم
الأستاذ منها
بعد ماتحضرون المحاضره تلقون مكتوب قدامها : إعاده تشغيل ـ تصفح المحتوى
يعني بعد ماتخلص المحاضره تقدرون بأي وقت تحضرونها لو بنص الليل
اختاروا : إعاده تشغيل
وتسمعون المحاضره من جديد .
وانا أنصحكم إنكم تحضرون المحاضرات بوقتها وتخططون مع الأستاذ
بنفس الوقت يعني لو لا سمح الله لو جيتوا بعدها وتبون تفتحون المحاضره
ومافتحت معك وتكون المشكله من عندهم مو من عندكم تكونون
انتم اصلاً مخططين بوقت المحاضره ,
ان اصبت فمن الله وان أخطأت فمن نفسي والشيطان
احترامي للجميع