[هذا انا ؟]

السلام عليكم ورحمه الله وبركااته



تخرجت ولله الحمد
اداره عامه عام



المهم حبايب قلبي حبيت افيد باقي المتخرجين عن اجراءات استلام الوثيقه
كلنا نعرف الخبصه الي تسير وكل موظف يرسلك لـ الموظف الثاني فـ حبيت اقلكم الطريقه بالتفصيل
وشوي ملاحظات ان شاء الله تفيدكم

تسليم الوثايق للانتظام بداء من يوم الاثنين
اما الانتساب راح يبداء في 03/11/1432

بعد ماتخلص السمستر وتنجمع المعدلات تطبع اخلاء الطرف من الاودس قبل يقفل عليك

بعدها بفتره راح يقفل الاودس وينكتب عند محاوله الدخول /

لا يسمح لك باستخدام النظام
حالتك الدراسية
البكالوريوس في العلوم

اذا طلعت هذي العباره لك الف مبروك بكذا تكون تخرجت وتم تحرير الوثيقه
ننتظر حتى يجي الموعد المحدد للتسليم ونروح نسوي الاجراءات الاخلاء مع العلم ان الاخلاء ممكن تسويه قبل موعد استلام الوثايق

ناخذ ورقه الاخلاء ونروح لـ الامن والسلامه
ويتختم ويتوقع
بعدها المكتبه العامه
يتختم ويتوقع
بعدها الكليه تبعك «« الاداره والاقتصار الدور الثاني يسار في يسار
يختم ويتوقع
بعدها الشؤون عاد هنا مطلوب ٣ تواقيع و٣ اختام وهي
١- الصندوق
٢- الاسكان
٣- المكافات
وبكذا يكون خلصنا الاخلاء
بعدها نروح لـ مسجل الكليه في عماده القبول والتسجيل الدور الاول
نسلمه اخلاء الطرف وبعد مايطلع عليه راح يسلمك الوثيقه وحسن السيره والسلوك وكشف الدرجات
ملاحظه / اطلب منه حسن سيره وسلوك بالانجليزي مايعطونها الا للي يطلبها
وهي تفيد الي راح يكمل دراسه او ممكن تفيدك في اي شيء اخر المهم اطبعوها منتو خسرانين شيء
بكذا يسير نطلع من مسجل الكليه ومعانا /
الاخلاء + الوثيقه + كشف الدرجات + حسن سيره وسلوك عربي + حسن سيره وسلوك انجليزي
بعدها نروح نصورها انا صورت من كل شي ٦ نسخ
الي صورتها هي الوثيقه + حسن سيره وسلوك عربي + حسن سيره وسلوك انجليزي
بعد تصويرها نروح لـ الاستقبال الدور الاول عماده القبول والتسجيل ونختم الاصل والنسخ طبق الاصل
ونسلمهم اخلاء الطرف + بطاقه الجامعه
وتنتظر لين يطلعو شهاده الثانويه تبعك [ الاصل ]

بكذا خلصنا

ناخذ /

شهاده الثانويه + الوثيقه + كشف الدرجات + حسن سيره وسلوك عربي + حسن سيره وسلوك انجليزي // مع طبق الاصل

وتحط رجلك
وتقول باي باي جامعه عزوز


الف مبروك لكل الخريجين
وعقبال باقي الطلاب يارب

وحاب اسالكم افكر انزل موضوع اتكلم عن كل المواد الي درستها وكل الدكاتره بختصار
يعني اعطيكم رايي في المواد والدكاتره من وجهة نظري وتجربتي
انزل الموضوع راح يفيد ..؟؟ ولا مامنه فايده وبلاشي منه

والله يوفقكم جميعاً